പാലക്കാട്: ചിറ്റൂരില്‍ ആശുപത്രിയില്‍ വെച്ച്‌ യുവതിക്ക് പാമ്ബ് കടിയേറ്റ സംഭവത്തില്‍ പരിശോധന റിപ്പോർട്ട്‌ പുറത്ത്.
യുവതിയുടെ ശരീരത്തില്‍ വിഷാംശം എത്തിയിട്ടില്ലെന്നാണ് പരിശോധന റിപ്പോർട്ടില്‍ പറയുന്നത്.
രണ്ട് തവണ രക്തപരിശോധന നടത്തി വിഷാംശം ഇല്ലെന്ന് ഉറപ്പ് വരുത്തിയതായി ആശുപത്രി സൂപ്രണ്ട് വ്യക്തമാക്കി.
പാമ്ബ് കടിച്ചിരിക്കാം, പക്ഷേ വിഷം ശരീരത്തില്‍ എത്തിയിട്ടില്ലെന്നും ജില്ലാ മെഡിക്കല്‍ ഓഫീസർ പറഞ്ഞു.
വിഷമില്ലാത്ത പാമ്ബാണ് കടിച്ചതെന്ന സംശയത്തിലാണ് ജില്ലാ മെഡിക്കല്‍ ഓഫീസർ. യുവതി ഇപ്പോഴും പാലക്കാട് ജില്ലാ ആശുപത്രിയില്‍ ചികിത്സയിലാണ്.
മറ്റ് ആരോഗ്യ പ്രശ്നങ്ങള്‍ ഇല്ലെങ്കില്‍ ഇന്ന് ആശുപത്രി വിട്ടേക്കും.
ഇന്നലെയാണ് പനിബാധിച്ച മകളുമായി സര്‍ക്കാര്‍ ആശുപത്രിയില്‍ ചികിത്സക്കെത്തിയ യുവതിക്ക് പാമ്ബുകടിയേറ്റത്.
പാലക്കാട് ജില്ലയിലെ ചിറ്റൂര്‍ ഗവ. താലൂക്ക് ആശുപത്രിയിലാണ് സംഭവം. പുതുനഗരം കരിപ്പോട് സ്വദേശിനി ഗായത്രിയ്ക്കാണ് കൈയില്‍ പാമ്ബുകടിയേറ്റത്.
തുടർന്ന് ഇവരെ പാലക്കാട് ജില്ലാ ആശുപത്രിയില്‍ പ്രവേശിപ്പിക്കുകയായിരുന്നു.
