വിമാന ഇന്ധനവിലയില്‍ (എ.ടി.എഫ്) വന്‍ വര്‍ധന. കിലോ ലിറ്ററിന് 6,188.25 രൂപയാണ് ഒറ്റയടിക്ക് കൂട്ടിയത്. 5.3ശതമാനമാണ് വര്‍ധന. ഇതോടെ ഡല്‍ഹിയില്‍ കിലോ ലിറ്റര്‍ എ.ടി.എഫിന് 1,23,039.71 (ലിറ്ററിന് 123 രൂപ) രൂപയായാണ് വില വര്‍ധിച്ചത്. ഈ വര്‍ഷം പത്താമത്തെ വില വര്‍ധിപ്പിക്കലാണിത്.
അന്താരാഷ്ട്ര എണ്ണവില വര്‍ധനയാണ് എ.ടി.എഫിന്റെ വില കൂട്ടാന്‍ കാരണമായി പറയുന്നത്. അതേസമയം, പെട്രോള്‍, ഡീസല്‍ വില ഒറ്റയടിക്ക് പത്തു രൂപവെച്ച്‌ കൂട്ടിയശേഷം തുടര്‍ച്ചയായി 41ാം ദിവസവും അതേനിരക്ക് തുടരുകയാണ്.
