കുറ്റിപ്പുറം: വിദ്യാര്‍ഥികള്‍ക്ക് കഞ്ചാവ് വിതരണം ചെയ്യുന്ന സംഘങ്ങള്‍ക്കെതിരെ പൊലീസ് പിടിമുറുക്കി.
കഴിഞ്ഞ ദിവസങ്ങളില്‍ മൂന്ന് പേരെയാണ് കുറ്റിപ്പുറം പൊലീസ് പിടികൂടിയത്. കുറ്റിപ്പുറം മൂടാല്‍ ഭാഗത്തുനിന്ന് തൃപ്രങ്ങോട് ബീരാന്‍ചിറ സ്വദേശി താമരത്ത് വിഷ്ണു (22), പാണ്ടികശാല ഞായംകോട്ടില്‍ ഷറഫുദ്ദീന്‍ (29), കുറ്റിപ്പുറം ബസ് സ്റ്റാന്‍ഡ് പരിസരത്തുനിന്ന് ചേകനൂര്‍ സ്വദേശി കുന്നത്ത് സിറാജ് (19) എന്നിവരാണ് അറസ്റ്റിലായത്.
വിദ്യാഭ്യാസ സ്ഥാപനങ്ങള്‍ തുറന്നതോടെ കുട്ടികള്‍ക്ക് ലഹരിവിതരണം ചെയ്യുന്ന സംഘങ്ങളും സജീവമാകുന്നു എന്ന വിവരത്തിെന്‍റ അടിസ്ഥാനത്തില്‍ പൊലീസ് നടത്തിയ നിരീക്ഷണത്തിലാണ് സ്റ്റേഷന്‍ പരിധിയിലെ വിവിധ ഭാഗങ്ങളില്‍നിന്ന് ഇവര്‍ പിടിയിലായത്. ഇവരുടെ ഉപഭോക്താക്കളായ വിദ്യാര്‍ഥികളെ രക്ഷിതാക്കളെ വിളിച്ചുവരുത്തി ലഹരിമുക്തി ചികിത്സക്ക് അയച്ചു. എസ്.ഐ നിഖില്‍ എസ്.സി.പി.ഒ ജയപ്രകാശ്, നിഷാദ്, അലക്സ് എന്നിവരടങ്ങിയ സംഘമാണ് ഇവരെ പിടികൂടിയത്.
