ചെങ്ങന്നൂര്‍: വിദേശത്തു നിന്നെത്തുന്ന മകനെ സ്വീകരിക്കാന്‍ വിമാനത്താവളത്തിലേക്കു പോയ പിതാവ് വാഹനാപകടത്തില്‍ മരിച്ചു.
കോടുകുളഞ്ഞി മാളിയേക്കല്‍ കെ.എ ഏബ്രഹാം (70) ആണ് മരിച്ചത്.
കഴിഞ്ഞദിവസം രാവിലെ തിരുവനന്തപുരം വിമാനത്താവളത്തിലേക്കു പോകുമ്ബോള്‍ ആണ് അപകടം നടന്നത്. ഇവര്‍ സഞ്ചരിച്ചിരുന്ന വാഹനം ചടയമംഗലത്തു വച്ച്‌ മില്‍മയുടെ പിക്കപ്പ് വാനുമായി കൂട്ടിയിടിയ്ക്കുകയായിരുന്നു. ഇടിയുടെ ആഘാതത്തില്‍ സാരമായി പരിക്കേറ്റ ഏബ്രഹാമിനെ ഹൈവേ പൊലീസ് ആണ് തിരുവനന്തപുരം മെഡിക്കല്‍ കോളജ് ആശുപത്രിയില്‍ എത്തിച്ചത്. ചികിത്സയിലിരിക്കെയാണ് മരണം സംഭവിച്ചത്.
