കൃഷ്ണശങ്കറും ദുര്‍ഗ കൃഷണയും ഒരുമിച്ച്‌ എത്തുന്ന ചിത്രമാണ് കുടുക്ക് 2025. കഴിഞ്ഞ ദിവസം ചിത്രത്തിലെ ‘മാരന്‍ മറുകില്‍ ചേരും’ എന്ന റൊമാന്റിക് ഗാനം പുറത്തെത്തിയിരുന്നു. ഇപ്പോള്‍ ഗാനത്തിലെ ലിപ് ലോക്ക് രംഗത്തെ കുറിച്ച്‌ പറഞ്ഞ് രംഗത്ത് എത്തിയിരിക്കുകയാണ് ദുര്‍ഗയും കൃഷ്ണ ശങ്കറും.
ലിപ്ലോക്കിന് മുമ്ബ് കിച്ചുവിന് മൊയ്സ്ചറൈസര്‍, പെര്‍ഫ്യും ഒക്കെ അടിപ്പിക്കും. താന്‍ മുമ്ബ് രണ്ട് സിനിമയില്‍ ചെയ്തിട്ടുണ്ട്. കിച്ചുവിന് നാണമായിരുന്നു. സിനിമയ്ക്ക് സ്‌ക്രിപ്റ്റ് ഉണ്ടായിരുന്നില്ല. കഥ പറഞ്ഞ് തരും. ഒരു സ്മൂച്ച്‌ ചെയ്യേണ്ടതുണ്ട് എന്നാണ് സംവിധായകന്‍ ബിലഹരി പറഞ്ഞത്. നാണമുണ്ടായിരുന്ന കിച്ചു ആക്ഷന്‍ പറഞ്ഞപ്പോള്‍ വന്‍ പെര്‍ഫോമന്‍സായിരുന്നു.
നമ്മുടെ ജോലിയല്ലേ, തൊഴിലല്ലേ, ആ വിചാരത്തിലാണ് ചെയ്യുന്നത്. ഫൈറ്റ് ചെയ്ത് മുട്ട് പ്രശ്നമായി മൂന്നാഴ്ച കിടന്നിട്ട് ആരും ഒന്നും ചോദിച്ചില്ല. രണ്ട് സെക്കന്‍ഡ് ലിപ്ലോക്ക് കഴിഞ്ഞതോടെ എല്ലാവരും അത് ചോദിക്കലായിരുന്നു. ലിപ്ലോക് സീന്‍ കാണിച്ചത് ഭയങ്കര സ്ലോമോഷനില്‍ ആയിരുന്നു. ആക്ഷന്‍ പറഞ്ഞ് കഴിഞ്ഞാല്‍ പിന്നെ കട്ടില്ല.
വേണ്ടത് എടുക്കാന്‍ പറ്റുമെന്ന ലൈനാണ് ബിലഹരിക്ക്. താനും കിച്ചുവും കൂടി ലിപ്ലോക് ചെയ്യുന്നു. ആദ്യം നെറ്റിയില്‍ പിന്നെ മൂക്കില്‍ ഇനി എവിടെയെന്ന് സ്വകാര്യത്തില്‍ കിച്ചു തന്നോട് ചോദിക്കുന്നുണ്ടായിരുന്നു. ഒടുവില്‍ ലിപ്ലോക് കഴിഞ്ഞ് തങ്ങള്‍ കട്ടേ എന്ന് പറഞ്ഞപ്പോഴാണ് നിര്‍ത്തിയത് എന്നാണ് ദുര്‍ഗ പറയുന്നത്.
