തിരുവനന്തപുരം: കണിയാപുരം ഇന്ത്യൻ ഓയിൽ പമ്പിലെ മാനേജറിൽ നിന്നും ലക്ഷങ്ങൾ കവർച്ച ചെയ്ത കേസിൽ പ്രമുഖ ടിക് ടോക്ക് ഇൻസ്റ്റാ ഗ്രാം താരവും സുഹൃത്തും അറസ്റ്റിൽ.
കിളിമാനൂർ വെള്ളലൂർ കാട്ടുചന്ത ചാവരുകാവിൽ പുതിയ തടത്തിൽ വീട്ടിൽ ജിത്തു (22), വെള്ളലൂർ കീഴ്പേരൂർ കിട്ടുവയലിൽ വീട്ടിൽ മീശ വിനീത് എന്നറിയിപ്പെടുന്ന വിനീത് (26) എന്നിവരെയാണ് മംഗലപുരം പോലീസ് അറസ്റ്റ് ചെയ്തത്.
കഴിഞ്ഞ മാസം 24 നാണ് കണിയാപുരതെ ഇന്ത്യനോയിൽ കമ്പനിയുടെ നിഫി ഫ്യുവൽസ് മാനേജർ ഷാ ഉച്ച വരെയുള്ള കളക്ഷനായ രണ്ടര ലക്ഷം രൂപ തൊട്ടടുത്തുള്ള ബാങ്കിൽ അടക്കാൻ കൊണ്ടു പൊകാവേയാണ് പ്രതികൾ പണം പിടിച്ചു പറിച്ചു ബൈക്കിൽ കടന്നു കളഞ്ഞത്.
തുടർന്ന് പോലീസ് അന്നെഷണത്തിൽ പ്രതികൾ ബൈക്ക് പോത്തൻകോട് പൂലൻതറ ഉപേക്ഷിച്ചു.
ഓട്ടോയിൽ വെഞ്ഞാറമൂട് ഭാഗത്തായി കടന്നതായി അറിഞ്ഞു. പ്രതികൾ ഉപയോഗിച്ച ഹോണ്ട ഡിയോ സ്കൂട്ടർ നഗരൂർ നിന്നും മോഷ്ടിച്ചതാണെന്ന് പോലീസ് പറഞ്ഞു.
മോഷണം നടത്തിയ പ്രതികൾ ത്രിശൂരെക്കാണ് കടന്നത്.
മോഷ്ടിച്ച പണം വിനീത് ബുള്ളറ്റ് വാങ്ങുകയും കടം തീർക്കുകയും ചെയ്‌തെന്ന് പോലീസ് അറിയിച്ചു.
സോഷ്യൽ മീഡിയ പ്ലറ്റ് ഫോമായ ഇൻസ്റ്റാഗ്രാമിലെ താരമായ വിനീതിനെതിരെ 10 ഓളം മോഷണകേസും യുവതിയേ പീഡിപ്പിച്ച കേസിൽ തമ്പാനൂർ സ്റ്റേഷനിൽ കേസും നിലവിലുണ്ട്.
