ന്യൂ ഡല്‍ഹി: രാജ്യത്ത് കൊറോണ ബാധിതരുടെ 56,000 കടന്നു. ഇതോടൊപ്പം രാജ്യത്ത് കൊറോണ വൈറസ് ബാധ മൂലമുണ്ടാകുന്ന മരണനിരക്കും ഗണ്യമായി ഉയരുകയാണ്. കഴിഞ്ഞ 24 മണിക്കൂറിനിടെ 3,390 പേര്‍ക്കാണ് രോഗം സ്ഥിരീകരിച്ചത്. മഹാരാഷ്ട്രയിലും, തമിഴ്‌നാട്ടിലും നിലവില്‍ സ്ഥിതി വളരെ ഗുരുതരമാണ്. മഹാരാഷ്ട്രയില്‍ കൊറോണ ബാധിതരുടെ എണ്ണം 14,541 ആയി. വ്യാഴാഴ്ച മാത്രം സംസ്ഥാനത്ത് 1,362 പേര്‍ക്കാണ് കൊറോണ സ്ഥിരീകരിച്ചത്. തമിഴ്‌നാട്ടില്‍ 3,550 പേര്‍ക്കാണ് ഇതുവരെ കൊറോണ സ്ഥിരീകരിച്ചത്. 580 പേര്‍ക്കാണ് വ്യാഴാഴ്ച മാത്രം രോഗ ബാധ സ്ഥിരീകരിച്ചത്. ഗുജറാത്തില്‍ 7,012 പേര്‍ക്കും രോഗം സ്ഥിരീകരിച്ചു. 425 പേരാണ് ഇവിടെ മരിച്ചത്. ഡല്‍ഹിയില്‍ 5,980 പേര്‍ക്ക് രോഗം സ്ഥിരീകരിച്ചപ്പോള്‍ 66 പേര്‍ മരണത്തിന് കീഴടങ്ങി. അതേസമയം രാജ്യത്ത് ഏറ്റവും കൂടുതല്‍ കൊറോണ മരണം റിപ്പോര്‍ട്ട് ചെയ്തത് പശ്ചിമബംഗാളിലാണ്. 151 പേരാണ് ഇവിടെ മരിച്ചത്.
രാജ്യത്ത് കൊറോണ ബാധിതരുടെ എണ്ണം 56,342 കടന്നു
