ബാലുശ്ശേരി: കോണ്ഗ്രസ് സ്ഥാനാര്ഥിയെന്നനിലയില് കെ.പി.സി.സിക്ക് നല്കിയ പരാതിയില് ഒരു മറുപടി പറയാന്പോലുമുള്ള മര്യാദ മുന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് കാട്ടിയില്ലെന്ന് ധര്മജന് ബോള്ഗാട്ടി. സ്വകാര്യചാനലിന് നല്കിയ അഭിമുഖത്തിലാണ് ധര്മജന് ഇക്കാര്യം തുറന്നുപറഞ്ഞത്.
ബാലുശ്ശേരി മണ്ഡലത്തിലെ തെരഞ്ഞെടുപ്പ് പ്രവര്ത്തനവുമായി ബന്ധപ്പെട്ട് മണ്ഡലം കോണ്ഗ്രസ് നേതാക്കളായ ഒരു കെ.പി.സി.സി സെക്രട്ടറിയും പ്രാദേശിക നേതാവും ചേര്ന്ന് തെരഞ്ഞെടുപ്പ് ഫണ്ടിലേക്കാണെന്ന് പറഞ്ഞ് പിരിച്ചെടുത്ത പണം തട്ടിയെടുത്തതായി തെളിവ് സഹിതം കെ.പി.സി.സിക്ക് പരാതി നല്കിയിരുന്നു.
എന്നാല്, ഇങ്ങനെയൊരു പരാതി നല്കാന് മാത്രം എന്തുണ്ടായി എന്നു ചോദിക്കാനുള്ള മര്യാദപോലും മുന് പ്രസിഡന്റ് കാട്ടിയില്ലെന്നും പുതിയ പ്രസിഡന്റ് ഇക്കാര്യത്തില് എന്തെങ്കിലും നടപടി സ്വീകരിക്കുമോ എന്നറിയില്ലെന്നും ധര്മജന് പറഞ്ഞു.
പാര്ട്ടിയെക്കാളും വലുതല്ല പ്രവര്ത്തകര് എന്ന് വിശ്വസിച്ചതുകൊണ്ടാണ് തെരഞ്ഞെടുപ്പ് കഴിഞ്ഞയുടനെ കെ.പി.സി.സിക്ക് മുമ്ബാകെ തെളിവ് സഹിതം പരാതി നല്കിയതെന്നും അദ്ദേഹം പറഞ്ഞു. കോണ്ഗ്രസില്നിന്ന് നീതികിട്ടുക എന്നത് വളരെ ബുദ്ധിമുട്ടാണെന്നും അദ്ദേഹം കൂട്ടിച്ചേര്ത്തു.