തിരുവനന്തപുരം: കെ.എം മാണിക്ക് സ്മാരകം നിര്‍മിക്കാന്‍ പണം അനുവദിച്ചത് രാഷ്ട്രീയ മാന്യത മുന്‍നിര്‍ത്തിയാണെന്ന് ധനമന്ത്രി ടി.എം തോമസ് ഐസക്ക്. കെ.എം മാണി അനിഷേധ്യനായ നേതാവാണ് മാണിയെ ആദരിക്കുന്ന ഒരു വലിയ വിഭാഗം കേരളത്തിലുണ്ടെന്നും ധനമന്ത്രി പറഞ്ഞു.
കേരള രാഷ്ട്രീയത്തില്‍ മാണിയുടെ സ്ഥാനം നിഷേധിക്കാനാവില്ല. സിപിഎം പ്രവര്‍ത്തകര്‍ക്ക് പ്രയാസമുണ്ടെങ്കിലും പ്രശ്നമില്ല, സ്മാരകം അനിവാര്യമായിരുന്നു. സിപിഎം അംഗീകരിക്കുന്നില്ലെങ്കിലും മാണിയെ ആദരിക്കുന്ന ജനവിഭാഗം കേരളത്തിലുണ്ട്. സ്മാരകത്തിന് അഞ്ചുകോടി അനുവദിച്ചതില്‍ തെറ്റില്ല. സര്‍ക്കാരിന്‍റെ ചുമതലയാണതെന്നും തോമസ് ഐസക്ക് പറഞ്ഞു.
കെ.എം മാണി സ്മാരകം നിര്‍മിക്കുന്നതിന് അഞ്ച‌് കോടി രൂപയും പാലായില്‍ അഞ്ച‌് ഏക്കര്‍ സര്‍ക്കാര്‍ ഭൂമിയുമാണ് ബജറ്റില്‍ ഐസക്ക് അനുവദിച്ചത്. മാണിയുടെ സ‌്മാരകമായി പഠന ഗവേഷണകേന്ദ്രം ആരംഭിക്കുന്നതിന‌ാണ‌് തുക.
