കൊച്ചി: ആക്ടിവിസ്റ്റ് രഹന ഫാത്തിമ മാധ്യമങ്ങളില്‍ കൂടി അഭിപ്രായം പറയുന്നത് ഹൈക്കോടതി വിലക്കി. 2018ല്‍ സമൂഹമാധ്യമങ്ങള്‍ വഴി മത വിശ്വാസത്തെ അവഹേളിച്ചെന്ന കേസില്‍ തുടര്‍ച്ചയായി ജാമ്യ വ്യവസ്ഥകള്‍ ലംഘിക്കുന്നുവെന്നു കാണിച്ച്‌ സമര്‍പ്പിച്ച ഹര്‍ജിയിലാണ് ഹൈക്കോടതി നിര്‍ദേശം.കേസിന്‍റെ വിചാരണ തീരുന്നതു വരെ നേരിട്ടോ, അല്ലാതെയോ, മറ്റൊരാള്‍ വഴിയോ അഭിപ്രായങ്ങള്‍ ദൃശ്യമാധ്യമങ്ങള്‍ വഴിയോ ഇലക്‌ട്രോണിക് മാധ്യമങ്ങള്‍ വഴിയോ പ്രസിദ്ധപ്പെടുത്തുകയോ ഷെയര്‍ ചെയ്യുകയോ ചെയ്യരുതെന്ന് രഹന ഫാത്തിമയോട് കോടതി വ്യക്തമാക്കി.
കൂടാതെ അടുത്ത മൂന്നു മാസത്തേക്ക് ആഴ്ചയില്‍ രണ്ടു ദിവസം പത്തനംതിട്ട പോലീസ് സ്റ്റേഷനില്‍ എത്തി ഒപ്പിടാനും രഹനയോട് കോടതി ആവശ്യപ്പെട്ടു.
മാധ്യമങ്ങളില്‍ കൂടി അഭിപ്രായം പറയുന്നതിന് രഹന ഫാത്തിമയ്ക്ക് ഹൈക്കോടതി വിലക്ക്
