മഹാരാഷ്ട്രയില്‍ കോവിഡ് രോഗബാധിതരുടെ എണ്ണം പതിനായിരത്തിലേക്ക് . വ്യാഴാഴ്ച ആരോഗ്യവകുപ്പ് പുറത്തുവിട്ട കണക്ക് പ്രകാരം 9915 കോവിഡ് രോഗികളാണ് സംസ്ഥാനത്തുള്ളത്. കഴിഞ്ഞ 24 മണിക്കൂറിനുള്ളില്‍ 597 പേര്‍ക്ക് കോവിഡ് സ്ഥിരീകരിച്ചു. ബുധനാഴ്ച 32 മരണമാണ് മഹാരാഷ്ട്രയില്‍ റിപ്പോര്‍ട്ട് ചെയ്തത്. ഇതില്‍ 26 മരണം നടന്നത് മുംബൈയിലാണ്. ഇതോടെ വൈറസ് ബാധയെ തുടര്‍ന്ന് മരണപ്പെട്ടവരുടെ എണ്ണം 432 ആയി. സംസ്ഥാനത്ത് ഇതുവരെ 1,37,159 കോവിഡ് ടെസ്റ്റുകള്‍ നടത്തിയതായി ആരോഗ്യവകുപ്പ് അറിയിച്ചു. തലസ്ഥാന നഗരമായ മുംബൈയില്‍ 475 പേര്‍ക്ക് കൂടി കോവിഡ് ബാധിച്ചതോടെ രോഗികളുെട എണ്ണം 6,644 ആയി. 270 പേര്‍ക്ക് ജീവന്‍ നഷ്ടമായി.
അതേസമയം, നാസിക്കിലെ മാലേഗാവ് പുതിയ ഹോട്ട് സ്പോട്ടായി പ്രഖ്യാപിച്ചു. 177 പുതിയ കേസുകളാണ് ഇവിടെ നിന്ന് കണ്ടെത്തിയത്. പൂനെയില്‍ 12 മണിക്കൂറിനുള്ളില്‍ 127 പുതിയ കോവിഡ് കേസുകള്‍ റിപ്പോര്‍ട്ട് ചെയ്തു. മൊത്തം കേസുകള്‍ 1722. രാജസ്ഥാനില്‍ 2 മരണവും 86 കേസുകളും റിപ്പോര്‍ട്ട് ചെയ്തു. മധ്യപ്രദേശിലെ ഇന്‍ഡോറില്‍ കോവിഡ് മൂലം 3 പേര്‍ മരിച്ചു. പുതിയ കേസുകള്‍ 19. മൊത്തം കേസുകള്‍ 1495. ബീഹാറില്‍ 9 കോവിഡ് കേസുകള്‍ കൂടി സ്ഥിരീകരിച്ചു. മൊത്തം കേസുകള്‍ 392 ആയി. ഡല്‍ഹി ആസാദ് പൂര്‍ പച്ചക്കറി മാര്‍ക്കറ്റിലെ 4 വ്യാപാരികള്‍ക്ക് കൂടി രോഗം കണ്ടെത്തി. ഇവിടെ രോഗീ സംഖ്യ 15 ആയി. മേഘാലയയില്‍ 11 ജില്ലകളില്‍ പത്തും ഹരിത മേഖലയാക്കി.
മഹാരാഷ്ട്രയില്‍ കോവിഡ് രോഗബാധിതരുടെ എണ്ണം പതിനായിരത്തിലേക്ക്
