തിരുവനന്തപുരം: ബുധനാഴ്ച നടക്കുന്ന മന്ത്രിസഭ യോഗത്തില് ബസ് നിരക്ക് വര്ധന സംബന്ധിച്ച് ചര്ച്ച വരാന് സാധ്യത. ബസ് നിരക്കിന് പുറമെ മദ്യവില വര്ധിപ്പിക്കുന്ന കാര്യത്തിലും തീരുമാനമുണ്ടാകുമെന്നാണ് കരുതുന്നത്. തിങ്കളാഴ്ച മുതല് മദ്യഷാപ്പുകളും ബാറുകളും തുറക്കാന് സാധ്യതയുണ്ട്. ഓണ്ലൈന് വഴിയുള്ള വിര്ച്വല് ക്യൂ പ്രകാരമായിരിക്കും മദ്യവില്പ്പന. കടുത്ത സാമ്ബത്തിക പ്രതിസന്ധി നേരിടുന്നതിനാല് 20 ശതമാനം വരെ സെസ് ഏര്പ്പെടുത്തി മദ്യവില വര്ധിപ്പിക്കാനാണ് സര്ക്കാര് ആലോചിക്കുന്നത്.
ലോക്ഡൗണ് കാലത്തിനുശേഷം നിബന്ധനകളോടെയായിരിക്കും ബസ് സര്വിസ്. സാമൂഹിക അകലം പാലിച്ചാണ് യാത്രയെങ്കില് നിശ്ചിത കാലയളവിലേക്ക് വില കൂട്ടണമെന്ന് ബസുടമകള് ആവശ്യപ്പെട്ടിരുന്നു. മാനദണ്ഡങ്ങള് പാലിച്ച് സംസ്ഥാനത്തിനുള്ളില് പാസഞ്ചര് ട്രെയിന് സര്വിസുകളും ജില്ലകള്ക്കുള്ളില് ബസ് സര്വിസുകളും അനുവദിക്കാമെന്ന നിലപാടാണ് കേരളം കേന്ദ്രത്തെ അറിയിച്ചിരുന്നത്.
യാത്രക്കാരുടെ എണ്ണം പരിമിതപ്പെടുത്തി കര്ശന നിയന്ത്രണത്തോടെ ബസ് സര്വിസ് നടത്തുന്നത് ആലോചിക്കുമെന്ന് കഴിഞ്ഞദിവസം മുഖ്യമന്ത്രി പിണറായി വിജയന് വാര്ത്തസമ്മേളനത്തില് അറിയിച്ചിരുന്നു.