തിരുവനന്തപുരം: ബോംബ് ഭീഷണിയെ തുടർന്ന് എയര്‍ഇന്ത്യ വിമാനം തിരുവനന്തപുരം വിമാനത്താവളത്തില്‍ അടിയന്തര ലാന്‍ഡിംഗ് നടത്തി.
മുംബൈ-തിരുവനന്തപുരം വിമാനത്തിനാണ് ഭീഷണി. ഫോണ്‍വഴിയാണ് ബോംബ് ഭീഷണി വന്നിരിക്കുന്നത്.
വിമാനത്തില്‍ നിന്ന് യാത്രക്കാരെ ഒഴിപ്പിച്ചു തുടങ്ങി. യാത്രക്കാരെയും ലഗേജും പരിശോധിക്കും. ഭീഷണിയുടെ ഉറവിടം സംബന്ധിച്ച്‌ അന്വേഷണം ആരംഭിച്ചു.
ആശങ്കപ്പെടേണ്ട സാഹചര്യമില്ലെന്ന് വിമാനത്താവള അധികൃതര്‍ അറിയിച്ചു. ബോംബ് ഭീഷണിയെത്തുടര്‍ന്ന് വിമാനത്താവളത്തില്‍ സുരക്ഷ ശക്തമാക്കിയിട്ടുണ്ട്.
