കണ്ണൂര്‍: മയക്കുമരുന്ന് കേസുമായി ബന്ധപ്പെട്ട് അറസ്റ്റിലായ ബിനീഷ് കോടിയേരിയുടെ വീട്ടിലും ബിനീഷുമായി ബന്ധമുണ്ടെന്ന് കരുതുന്നവരുടെ സ്ഥാപനത്തിലും നടക്കുന്ന പരിശോധനയുടെ ഭാഗമായി തലശ്ശേരിയിലെ ബിനീഷിന്റെ സുഹൃത്തിന്റെ വീട്ടിലും റെയ്ഡ്.
ബിനീഷിന്റെ സുഹൃത്ത് അനസിന്‍റെ തലശ്ശേരിയിലെ വീട്ടിലാണ് ഇപ്പോള്‍ പരിശോധന നടക്കുന്നത്. കണ്ണൂര്‍ ക്രിക്കറ്റ് അസോസിയേഷന്‍ മുന്‍ ഭാരവാഹിയായിരുന്നു മുഹമ്മദ് അനസ്. ഇയാളുടെ വീട്ടിലാണ് ഇഡി പരിശോധന നടത്തുന്നത്. അനസിന്‍്റെ വീടിനകത്തും പരിസരങ്ങളിലും ഇഡി പരിശോധന നടത്തി. വീടിനു സമീത്തുനിന്നും ചാക്കില്‍ കെട്ടി ഉപേക്ഷിച്ച നിലയില്‍ ചില രേഖകള്‍ കണ്ടെത്തിയിട്ടുണ്ട്. രേഖകള്‍ ഭാഗികമായി കത്തിയ നിലയിലാണ്.
