തിരുവനന്തപുരം: ബിനീഷ് കോടിയേരിയുടെ വീട്ടിലെ പരിശോധനകള്‍ക്ക് ശേഷം എന്ഫോഴ്സ്മെന്റ് സുഹൃത്തുക്കളെ കേന്ദ്രീകരിച്ചും അന്വേഷണം നടത്തുന്നു. ബിനീഷ് കോടിയേരിയുടെ സുഹൃത്ത് അല്‍ ജമാസിന്റെ ബാങ്ക് ലോക്കറില്‍ എന്ഫോഴ്സ്മെന്റ് പരിശോധന നടത്തി. നെടുമങ്ങാട് യൂണിയന്‍ ബാങ്കിലെ ലോക്കറിലാണ് ഇ.ഡി പരിശോധന നടത്തുന്നത്. ഇന്നലെ അല്‍ ജമാസിന്റെ വീട്ടില്‍ നടത്തിയ റെയ്ഡില്‍ ബാങ്ക് പാസ്ബുക്കും മൂന്ന് മൊബൈല്‍ ഫോണുകളും പിടിച്ചെടുത്തിരുന്നു.
അതിനിടെ, ബിനീഷിന്റെ വീട്ടിലെ റെയ്ഡ് റെയ്ഡ് രാഷ്ട്രീയ പ്രേരിതമാണെന്ന് സിപിഎം വിലയിരുത്തി. രാവിലെ എ.കെ.ജി സെന്ററില്‍ മുഖ്യമ്രന്തി പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും കൂടിക്കാഴ്ച നടത്തി. കുടുംബത്തിനു നേര്‍ക്ക് മനുഷ്യാവകാശ ലംഘനം നടത്തി. അത് തുറന്നുകാണിക്കും. എന്നാല്‍ അന്വേഷണം എതിര്‍ക്കാനോ തടസ്സപ്പെടുത്താനോ ഇല്ലെന്നും സിപിഎം വ്യക്തമാക്കി.
അതേസമയം, റെയ്ഡിനിടെ ബിനീഷിന്റെ കുടുംബത്തെ തടവിലാക്കിയെന്ന പരാതിയില്‍ എന്‍ഫോഴ്സ്മെന്റില്‍ നിന്ന് വിശദീകരണം തേടുമെന്ന് പൊലീസ് അറിയിച്ചു. നേരിട്ട് ചോദിച്ചിട്ടി് ഇ.ഡി അധികൃതര്‍ പ്രതികരിച്ചില്ല. അതിനാല്‍ മെയില്‍ അയച്ച്‌ വിശദീകരണം തേടുമെന്ന് പൊലീസ് വ്യക്തമാക്കി.
കുടുംബത്തെ തടവിലാക്കിയെന്ന് കാണിച്ച്‌ പൂജപ്പുര സിഐയ്ക്കാണ് പരാതി നല്‍കിയത്. ബിനീഷിന്റെ വീട്ടിലെത്തിയ പൊലീസ് സംഘം സിആര്‍പിഎഫ് ഉദ്യോഗസ്ഥരോട് മൊഴി നല്‍കാന്‍ ആവശ്യപ്പെട്ടര് വാക്കുതര്‍ക്കത്തിന് ഇടയാക്കിയിരുന്നു. ഇതിനിടെ ഇ.ഡി അധികൃതര്‍ പുറത്തേക്ക് പോയ കാര്‍ സിഐയുടെ ദേഹത്ത് തട്ടുന്ന വിധത്തില്‍ പോയി എന്ന് ആരോപിച്ച്‌ വാഹനത്തിന്റെ ഡ്രൈവറോട് കയര്‍ത്തു സംസാരിക്കുന്ന സ്ഥിതിയുമുണ്ടായി.
അതിനിടെ എന്ഫോഴ്സ്മെന്റ് ഡയറക്ടറേറ്റ് (ഇ.ഡി.) ചെയ്യാന്‍ കഴിയുന്നതൊക്കെ ചെയ്യട്ടെ എന്ന് ബിനീഷ് കോടിയേരി പ്രതികരിച്ചു. ഇ.ഡിയുടെ കസ്റ്റഡിയിലുള്ള ബിനീഷിനെ വൈദ്യപരിശോധനക്ക് കൊണ്ടുപോകുമ്ബോഴായിരുന്നു ബിനീഷിന്റെ പ്രതികരണം. തിരുവനന്തുരത്തെ വീട്ടില്‍ ഇ.ഡി നടത്തിയ റെയ്ഡിനെക്കുറിച്ചായിരുന്നു പ്രതികരണം. എന്നാല്‍, മാധ്യമപ്രവര്‍ത്തകരുടെ മറ്റു ചോദ്യങ്ങള്‍ക്ക് ബിനീഷ് മറുപടി നല്‍കിയില്ല.
അതേസമയം, ബിനീഷിന്റെ കുടുംബത്തിന്റെ പരാതിയില്‍ ഇ.ഡിയോട് പൊലീസ് വിശദീകരണം തേടി. ഇ-മെയില്‍ വഴിയാണ് വിശദീകരണം ചോദിച്ചിരിക്കുന്നത്. ബിനീഷ് കുടുങ്ങാന്‍ പോകുകയാണെന്നും പുറത്തിറങ്ങണമെന്ന് ആഗ്രഹമുണ്ടെങ്കില്‍ മഹസറില്‍ ഒപ്പിടണമെന്നും ഇ.ഡി ഉദ്യോഗസ്ഥര്‍ ആവശ്യപ്പെട്ടെന്ന് റെയ്ഡിനു ശേഷം ഭാര്യ റെനീറ്റ മാധ്യമങ്ങളോട് പറഞ്ഞിരുന്നു.
