ബഹ്റൈനില്‍ കോവിഡ് പ്രതിരോധ മുന്‍കരുതല്‍ നടപടികള്‍ ലംഘിച്ചതിന് 32 പേര്‍ക്കെതിരായ കേസ് തുടര്‍നടപടിക്ക് പബ്ലിക് പ്രോസിക്യൂഷന് കൈമാറി. കോവിഡ് വ്യാപനം തടയാനുള്ള നിര്‍ദേശങ്ങള്‍ ലംഘിച്ചതിനാണ് നടപടി.
വീട്ടില്‍ ക്വാറന്‍റീനില്‍ കഴിയണമെന്ന നിര്‍ദേശം ലംഘിച്ചതിനാണ് കഴിഞ്ഞ ഏപ്രിലില്‍ അഞ്ച് പേര്‍ക്കെതിരായ കേസ് പബ്ലിക് പ്രോസിക്യൂഷന് കൈമാറിയത്. റസ്റ്റാറന്‍റുകളിലും കഫേകളിലും പാലിക്കേണ്ട മുന്‍കരുതല്‍ നിര്‍ദേശങ്ങള്‍ ലംഘിച്ചതിന് 23 പേര്‍ക്കെതിരെയും ഹെയര്‍ സലൂണുകളിലും ബ്യൂട്ടി പാര്‍ലറുകളിലും പാലിക്കേണ്ട നിയമങ്ങള്‍ ലംഘിച്ചതിന് നാലു പേര്‍ക്കെതിരെയുമാണ് നടപടി.
