ഫോട്ടോഗ്രാഫറുടെ ഹോബി പെണ്‍കുട്ടികള്‍ക്ക് മുന്നില്‍ ഉടുതുണി ഉയര്‍ത്തുന്നത്; പിടികൂടിയത് നാട്ടുകാര്‍

കിളിമാനൂര്‍: പ്രായപൂര്‍ത്തിയാകാത്ത പെണ്‍കുട്ടികള്‍ക്ക് നേരെ നഗ്നതാ പ്രദര്‍ശനം നടത്തിയ ഫോട്ടോഗ്രാഫറായ യുവാവിനെ പോക്സോ നിയമപ്രകാരം കിളിമാനൂര്‍ പൊലീസ് അറസ്റ്റ് ചെയ്തു.

നെടുമങ്ങാട് സ്വദേശിയായ മണ്ണന്തല മരുതൂരില്‍ വാടകയ്ക്ക് താമസിക്കുന്ന നിതിനാണ് (28) പിടിയിലായത്. തിങ്കളാഴ്ച വൈകിട്ട് കാരേറ്റ് പേടികുളത്ത് വച്ചായിരുന്നു സംഭവം. പഠനം കഴിഞ്ഞ് വീട്ടിലേക്ക് വരികയായിരുന്ന പെണ്‍കുട്ടികള്‍ക്ക് നേരെ ബൈക്കിലെത്തിയ പ്രതി നഗ്നതാ പ്രദര്‍ശനം നടത്തുകയായിരുന്നു.

ഈ വിവരം പെണ്‍കുട്ടികള്‍ നാട്ടുകാരെ അറിയിക്കുകയും രക്ഷപ്പെടാന്‍ ശ്രമിച്ച പ്രതിയെ റോഡില്‍ തടഞ്ഞു നിറുത്തി കിളിമാനൂര്‍ പൊലീസിന് കൈമാറുകയുമായിരുന്നു. 2021 നവംബറില്‍ പ്രതി സമാന രീതിയില്‍ നഗ്നതാ പ്രദര്‍ശനം നടത്തിയശേഷം രക്ഷപ്പെട്ടിരുന്നു. സമീപത്തെ വീട്ടിലെ സിസിടിവി കാമറയില്‍ നിന്ന് പ്രതിയുടെ ചിത്രം ലഭിച്ചെങ്കിലും ആളിനെ കണ്ടെത്താന്‍ കഴിഞ്ഞിരുന്നില്ല. നാട്ടുകാര്‍ പിടികൂടിയ യുവാവിനെ പെണ്‍കുട്ടികള്‍ തിരിച്ചറിഞ്ഞതിനെ തുടര്‍ന്ന് പോക്സോ നിയമപ്രകാരം പൊലീസ് കേസ് രജിസ്റ്റര്‍ ചെയ്യുകയായിരുന്നു.

Related posts

Leave a Comment