തലശ്ശേരി: പ്രായപൂര്‍ത്തിയാകാത്ത പെണ്‍കുട്ടിയെ ബൈക്കില്‍ തട്ടിക്കൊണ്ടുപോയി പീഡിപ്പിച്ച സംഭവത്തില്‍ യുവാവ് അറസ്റ്റില്‍. കാഞ്ഞങ്ങാട് മാവുങ്കാല്‍ ആനന്ദാശ്രമത്തിന് സമീപത്തെ അനില്‍ രാജിനെയാണ് (21) എടക്കാട് എസ്.ഐ മഹേഷ് കണ്ടമ്ബേത്ത് അറസ്റ്റ് ചെയ്തത്.
കഴിഞ്ഞ 13നാണ് സംഭവം. കണ്ണൂര്‍ മേലെ ചൊവ്വയില്‍ പഠനത്തിനെത്തിയ 17കാരിയെയാണ് യുവാവ് പ്രലോഭിപ്പിച്ച്‌ ബൈക്കില്‍ തട്ടിക്കൊണ്ടുപോയി കാഞ്ഞങ്ങാട്ടെ ബന്ധുവീട്ടില്‍വെച്ച്‌ പീഡിപ്പിച്ചത്. വീട്ടിലെത്താന്‍ വൈകിയതിനെ തുടര്‍ന്ന് നടത്തിയ അന്വേഷണത്തിലാണ് പീഡനവിവരം പുറത്തറിഞ്ഞത്. തുടര്‍ന്ന് പൊലീസില്‍ പരാതി നല്‍കി.
പെണ്‍കുട്ടിയുടെ മൊഴി രേഖപ്പെടുത്തിയ പൊലീസ്, പോക്സോ നിയമപ്രകാരം കേസെടുത്ത് അന്വേഷണം നടത്തി പ്രതിയെ അറസ്റ്റു ചെയ്യുകയായിരുന്നു. സംഭവം നടന്നത് കണ്ണൂരിലായതിനാല്‍ കേസ് തുടരന്വേഷണത്തിനായി കണ്ണൂര്‍ ടൗണ്‍ പൊലീസിന് കൈമാറി.
