കൊച്ചി: എറണാകുളത്ത് വീട്ടമ്മയെ പീഡിപ്പിച്ച എസ്‌ഐ അറസ്റ്റില്‍. എറണാകുളം സെന്‍ട്രല്‍ പോലീസ് സ്‌റ്റേഷനിലെ ബാബു മാത്യുവാണ് അറസ്റ്റിലായത്.
മുളംതുരുത്തി സ്‌റ്റേഷനില്‍ അഡീഷണല്‍ എസ്‌ഐ ആയിരുന്നപ്പോള്‍ ഭീഷണിപ്പെടുത്തി ഒരുവര്‍ഷത്തോളം പീഡിപ്പിച്ചെന്ന് വീട്ടമ്മയുടെ പരാതിയിലാണ് നടപടി.
വീട്ടമ്മ കൊച്ചി ഡിസിപി ജി. പൂങ്കുഴലിക്ക് നല്‍കിയ പരാതിയുടെ അടിസ്ഥാനത്തില്‍ ഇയാള്‍ക്കെതിരെ മുളംതുരുത്തി പോലീസ് കേസ് രജിസ്റ്റര്‍ ചെയ്തിരുന്നു. തുടര്‍ന്ന് ഇയാളെ അ‌ന്വേഷണവിധേയമായി സര്‍വീസില്‍ നിന്നും സസ്‌പെന്‍ഡ് ചെയ്തിരുന്നു. ഇതിനു പിന്നാലെ ഒളിവില്‍ പോയ ബാബു മാത്യു മുന്‍കൂര്‍ ജാമ്യത്തിന് ശ്രമിച്ചുവെങ്കിലും ലഭിച്ചില്ല. തുടര്‍ന്ന് സ്‌റ്റേഷനില്‍ കീഴടങ്ങുകയായിരുന്നു. കോടതിയില്‍ ഹാജരാക്കിയ പ്രതിയെ കോവിഡ് നിരീക്ഷണ കേന്ദ്രത്തിലേക്കു മാറ്റി.
