ബോളിവുഡ് ദൃശ്യം സിനിമയുടെ സംവിധായകന്‍ നിഷികാന്ത് കാമത്ത് അന്തരിച്ചു. കരള്‍ സിറോസിസ് ബാധിച്ച്‌ ഹൈദരാബാദില്‍ ചികിത്സയിലായിരുന്നു അദ്ദേഹം. സംവിധായകന്‍ മുകേഷ് ചബ്രയാണ് മരണവാര്‍ത്ത സ്ഥിരീകരിച്ചത്.
2005 ല്‍ മറാത്തി ചിത്രമായ ഡൊംബിവാലി ഫാസ്റ്റ് എന്ന ചിത്രത്തിലൂടെയാണ് നിഷികാന്ത് സിനിമാ ലോകത്തേക്ക് ചുവട് വച്ചത്. മറാത്തി സിനിമയിലെ ഈ വര്‍ഷത്തെ ഏറ്റവും വലിയ വിജയചിത്രങ്ങളിലൊന്നായി മാറിയ ‘ഈ’ ചിത്രം 2006 ല്‍ മറാത്തിയിലെ മികച്ച ഫീച്ചര്‍ ഫിലിമിനുള്ള ദേശീയ ചലച്ചിത്ര അവാര്‍ഡും നേടി.
2015 ല്‍ അജയ് ദേവ്ഗണ്‍, തബു എന്നിവര്‍ അഭിനയിച്ച ദൃശ്യം എന്ന ഹിന്ദി റീമേക്ക് സംവിധാനം ചെയ്തതോടെ ചലച്ചിത്രകാരന്‍ ദേശീയ ശ്രദ്ധ പിടിച്ചുപറ്റി. സാച്ച്‌യ ആത് ഘരത് (മറാത്തി), റോക്കി ഹാന്‍ഡ്സോം (2016), ഭാവേഷ് ജോഷി സൂപ്പര്‍ഹീറോ, ഫ്യൂഗെ, ജൂലി 2 തുടങ്ങിയ സിനിമകളുടെ സംവിധായകന്‍ കൂടിയാണ് നിഷികാന്ത്
