തിരുവനന്തപുരം: നഗരമധ്യത്തില്‍ പട്ടാപ്പകല്‍ കൊലപാതകം. തന്പാനൂര്‍ സിറ്റി ടവര്‍ ഹോട്ടലിലെ റിസപ്ഷനിസ്റ്റിനെ ഹോട്ടലില്‍ കയറി വെട്ടിക്കൊന്നു.
തമിഴ്നാട് സ്വദേശി അയ്യപ്പനെയാണ് കൊലപ്പെടുത്തിയത്. ഇന്നു രാവിലെ എട്ടരയോടെയാണ് സംഭവം.
ബൈക്കിലെത്തിയ ആളാണ് വെട്ടുകത്തികൊണ്ടു കൊലപ്പെടുത്തിയതെന്നു പോലീസ് പറയുന്നു. ഇയാള് ചുവന്ന ഷര്‍ട്ടും നീല ലുങ്കിയുമാണ് ധരിച്ചിരുന്നത്. കൃത്യത്തിനു ശേഷം ഇയാള് രക്ഷപ്പെട്ടു. കൂടുതല്‍ വിവരങ്ങള്‍ ശേഖരിച്ചു വരികയാണെന്നും പ്രതിയെ പിടികൂടുന്നതിനുള്ള നീക്കം ആരംഭിച്ചതായും പോലീസ് പറഞ്ഞു.
