കണ്ണൂര്: തലശേരി ന്യൂ മാഹിക്കടുത്ത് സിപിഎം പ്രവര്ത്തകനായ പുന്നോല് സ്വദേശി ഹരിദാസിനെ വെട്ടിക്കൊലപ്പെടുത്തിയ കേസില് ഏഴുപേര് കസ്റ്റഡിയില്.
വിവാദ പ്രസംഗം നടത്തിയ ബിജെപി കൗണ്സിലര് ലിജീഷിനെയും കസ്റ്റഡിയിലെടുക്കുമെന്നാണ് ലഭിക്കുന്ന സൂചന. പോലീസിന്റെ പ്രത്യേക സംഘം ആറ് സംഘങ്ങളായി തിരിഞ്ഞാണ് അന്വേഷണം നടത്തുന്നത്.അതെസമയം രാഷ്ട്രീയ കൊലപാതകം ആണോ അല്ലയോ എന്ന കാര്യത്തില് ഇനിയും സ്ഥിരീകരണം വന്നിട്ടില്ല. ഇക്കാര്യങ്ങളെല്ലാം പരിശോധിക്കുകയാണെന്ന് കണ്ണൂര് സിറ്റി പോലീസ് കമ്മീഷണര് ആര്. ആര് ഇളങ്കോവന് അറിയിച്ചു. അതേസമയം, ഹരിദാസിന്റെ ഇന്ക്വസ്റ്റ് റിപ്പോര്ട്ടിലെ വിവരങ്ങള് പുറത്തുവന്നു.ഹരിദാസിന് ഇരുപതിലധികം വെട്ടേറ്റിട്ടുണ്ട്. മുറിവുകളുടെ എണ്ണം കണക്കാക്കാനാകാത്ത വിധം ശരീരം വികൃതമാക്കിയ നിലയിലാണ്