തലകുത്തി നില്‍ക്കാന്‍ പറ്റുവോ സക്കീര്‍ ഭായിക്ക്? ബട്ട് ഐ കാന്‍ എന്ന അടിക്കുറിപ്പോടെയുള്ള വീഡിയോ ആണ് ഇപ്പോള്‍ സമൂഹമാധ്യമങ്ങളില്‍ വൈറല്‍ …കഴിഞ്ഞ ദിവസം ടോവിനോ തോമസ് പോസ്റ്റ് ചെയ്ത ഈ വീഡിയോക്ക് നിരവധി കമന്റുകളാണ് കിട്ടിയിരിക്കുന്നത്
മലയാള സിനിമയിലെ മസില്‍മാന്മാരില്‍ ഒരാളാണ് ടൊവിനോ തോമസ്.അരുണ്‍ റുഷ്ദി സംവിധാനം ചെയ്ത ഷോര്‍ട്ട് ഫിലിം ഗ്രിസയിലിയില്‍ ആണ് ടൊവിനോ ആദ്യം അഭിനയിച്ചത്..
പ്രഭുവിന്റെ മക്കള്‍ എന്ന ചിത്രത്തിലൂടെ ആണ് സിനിമ രംഗത്തേക്ക് വന്നത്
തല കുത്തി നില്‍ക്കാന്‍ പറ്റുവോ സക്കീര്‍ ഭായിക്ക് ? ബട്ട് ഐ കാന്‍ എന്ന അടിക്കുറിപ്പിലാണ് വിഡിയോ പോസ്റ്റ് ചെയ്തത്. ലോക്ക്ഡൗണില്‍ നേടിയെടുത്ത പുതിയ കഴിവാണെന്നും പോസ്റ്റിലുണ്ട്.
എന്തായാലും താരത്തിന്റെ പ്രകടനം ആരാധകരെ അമ്ബരപ്പിച്ചിരിക്കുകയാണ്. അതിനൊപ്പം രസകരമായ കമന്റുകളും വരുന്നുണ്ട്.
മോഹന്‍ലാല്‍ സിനിമയിലെ ഡയലോഗായതിനാല്‍ ലാലേട്ടനോടുള്ള വെല്ലുവിളിയാണോ എന്നാണ് ഒരാളുടെ ചോദ്യം. രണ്ട് കുട്ടികളുടെ അച്ഛനായിട്ടും ഇതുവരെ കുട്ടിക്കളി മാറിയിട്ടില്ലെന്നാണ് ചിലര്‍ പറയുന്നത്. “കൈകൂടെ വിട്ടാല്‍ പൊളിച്ചേനെ”എന്ന മട്ടിലുള്ള കമന്റുകളും വരുന്നുണ്ട്
കൊവിഡില്‍ സിനിമാ ചിത്രീകരണങ്ങള്‍ നിറുത്തിവച്ച്‌ വീട്ടിലിരിക്കുകയാണ് താരങ്ങള്‍. നടി നടന്മാര്‍ തങ്ങളുടെ വിശേഷങ്ങളുമായി സോഷ്യല്‍ മീഡിയയില്‍ പ്രത്യക്ഷപ്പെടാറുണ്ട്.. ലോക്ക് ഡൗണില്‍ സിനിമാതാരങ്ങളുടെ പ്രധാന ഹോബി വര്‍ക്കൗട്ട് വിഡിയോകള്‍ ഫേസ്‌ബുക് പേജിലും ഇന്‍സ്റാഗ്രാമിലും പോസ്റ്റ് ചെയ്യുക എന്നതാണ് ..
ടോവിനോയുടെ വര്‍ക്കൗട്ട് വിഡിയോകളെല്ലാം തന്നെ സോഷ്യല്‍ മീഡിയയില്‍ ഹിറ്റാകാറുണ്ട്. ഇപ്പോള്‍ തലകുത്തി നിന്ന് ആരാധകരെ ഞെട്ടിച്ചിരിക്കുകയാണ് താരം. സ്റ്റൂളില്‍ തലകുത്തിനിന്നുകൊണ്ട് കാലുകള്‍ ഫ്ലിപ്പ് ചെയ്യുന്നതാണ് വിഡിയോയില്‍ കാണുന്നത്.ഈ തകര്‍പ്പന്‍ വിഡിയോ ഇതിനോടകം വൈറല്‍ ആണ്
അടുത്തിടെയാണ് നടന്‍ അബു സലിം താരത്തെ പുഷ്‌അപ്പ് ചലഞ്ച് ചെയ്തിരുന്നു. അദ്ദേഹത്തെ വെല്ലുവിളി ഏറ്റെടുത്തുകൊണ്ടുള്ള വിഡിയോയും സോഷ്യല്‍ മീഡിയയില്‍ ഹിറ്റായിരുന്നു. കഴിഞ്ഞ ദിവസം താരത്തിന് രണ്ടാമത്തെ കുഞ്ഞ് ജനിച്ചിരുന്നു..താന്‍ ഒരു ആണ് കുഞ്ഞിന്റെ അച്ഛനായ വിവരവും കുഞ്ഞിന്റെ ഫോട്ടോയും എല്ലാം ടോവിനോ ആരാധകര്‍ക്കായി പങ്ക് വച്ചിരുന്നു.
