കാസര്കോട്: കാമുകന് തന്നെ കാറില് ബലമായി കയറ്റിക്കൊണ്ട് പോയി പീഡിപ്പിച്ചതായി പരാതി . കാസര്കോട് സ്വദേശിയായ വീട്ടമ്മയാണ് പരാതി നല്കിയത് .
സ്വര്ണ്ണാഭരണങ്ങള് തട്ടിയെടുത്തെന്നും ബലാത്സംഗം ചെയ്തെന്നും കാണിച്ച് ഇവര് കാസര്കോട് ഡിവൈഎസ്പിക്കാണ് പരാതി നല്കിയത് ചട്ടഞ്ചാല് സ്വദേശിയായ സമീറിനെതിരെയാണ് മൂന്ന് മക്കളുള്ള വീട്ടമ്മയുടെ പരാതി. യുവതി ഇയാള്ക്ക് സ്വര്ണ്ണാഭരണങ്ങള് പണയം വയ്ക്കാന് നല്കിയിരുന്നു. ഇത് തിരികെ എടുത്ത് തരാമെന്ന് പറഞ്ഞ് കാസര്കോട് നഗരത്തിലേക്ക് വിളിപ്പിച്ച ശേഷം ബലമായി കാറില് കടത്തിക്കൊണ്ട് പോവുകയായിരുന്നു എന്നാണ് പരാതിയില് പറയുന്നത് .മുംബൈ, ദില്ലി, ഗോവ എന്നിവിടങ്ങളില് പാര്പ്പിച്ച് പീഡിപ്പിച്ചുവെന്നാണ് വീട്ടമ്മയുടെ പരാതി. താലി മാല അടക്കമുള്ളവ ഊരി വാങ്ങിയെന്നും പതിനെട്ടര പവന് സമീര് കൈക്കലാക്കിയെന്നുമാണ് യുവതി പറയുന്നത്. വീട്ടില് വെല്ഡിംഗ് ജോലിക്ക് എത്തിയപ്പോഴാണ് സമീറിനെ യുവതി പരിചയപ്പെടുന്നത്. കൂടാതെ അയച്ചു കൊടുത്ത സ്വകാര്യ ചിത്രങ്ങള് പ്രചരിപ്പിക്കുമെന്ന് പറഞ്ഞാണ് തന്നെ ഭീഷണിപ്പെടുത്തിയതെന്നും വീട്ടമ്മ പറയുന്നു.