ന്യൂഡല്‍ഹി: കഴിഞ്ഞ 24 മണിക്കൂറിനിടെ ഡല്‍ഹിയില്‍ കോവിഡ് മൂലം 13 പേര്‍ മരണപ്പെട്ടു. ആദ്യ കോവിഡ് മരണം റിപ്പോര്‍ട്ട് ചെയ്ത ശേഷം ഏറ്റവും കൂടുതല്‍ പേര്‍ മരിച്ച ദിവസമാണ് കടന്നുപോയത്. 406 പേര്‍ക്ക് പുതുതായി കോവിഡ് ബാധ സ്ഥിരീകരിച്ചു.
ഡല്‍ഹിയില്‍ മൊത്തം മരണസംഖ്യ 86ഉം രോഗബാധിതരുടെ എണ്ണം 7,639 ഉം ആയി. 2,512 പേര്‍ സുഖം പ്രാപിച്ചു. 5,041 പേര്‍ ചികിത്സയിലാണെന്നും ഡല്‍ഹി സര്‍ക്കാര്‍ പുറത്തുവിട്ട ആരോഗ്യ ബുള്ളറ്റിന്‍ വ്യക്തമാക്കി.
അതേസമയം, സംസ്ഥാനത്ത് ഏര്‍പ്പെടുത്തേണ്ട നിയന്ത്രണങ്ങളും നടപടികളും സംബന്ധിച്ച്‌ മുഖ്യമന്ത്രി അരവിന്ദ് കെജ്രിവാള് ജനങ്ങളില്‍ നിന്ന് നിര്‍ദേശങ്ങള്‍ തേടി. ‘മാര്‍ക്കറ്റുകള്‍ തുറക്കണോ? പൊതുഗതാഗതം അനുവദിക്കണോ? സാമൂഹ്യ അകലം പാലിച്ച്‌ ആരോഗ്യം സംരക്ഷിക്കാനും സമ്ബദ്‌വ്യവസ്ഥ പരിപാലിക്കാനും ചെയ്യേണ്ടതെന്താണെന്ന് നിങ്ങള്‍ക്ക് നിര്‍േദശിക്കാം’ -കെജ്രിവാള് പറഞ്ഞു.
പ്രധാനമന്ത്രി നരേന്ദ്ര മോദി മുഖ്യമന്ത്രിമാരുമായി തിങ്കളാഴ്ച നടത്തിയ വിഡിയോ കോണ്‍ഫറന്‍സില്‍ കെജ്‌രിവാളും പങ്കെടുത്തിരുന്നു. ലോക്ഡൗണ്‍ നീട്ടുന്നത് സംബന്ധിച്ച്‌ മേയ് 15നകം മുഖ്യമന്ത്രിമാര്‍ നിര്‍ദേശം നല്‍കണമെന്നാണ് പ്രധാനമന്ത്രി ആവശ്യപ്പെട്ടത്. ഇതിനുവേണ്ടിയാണ് കെജ്രിവാള് ജനാഭിപ്രായം തേടുന്നത്.
എല്ലാ നല്ല നിര്‍ദ്ദേശങ്ങളും വിദഗ്ധരുമായി ചര്‍ച്ച ചെയ്യുമെന്നും ഡല്‍ഹി സര്‍ക്കാരിെന്‍റ നിര്‍ദ്ദേശമായി അവ കേന്ദ്രത്തിലേക്ക് അയക്കുമെന്നും അദ്ദേഹം പറഞ്ഞു.
ഡല്‍ഹി സര്‍ക്കാര്‍ ഹെല്‍പ്പ് ലൈന്‍ നമ്ബറായ 1031, വാട്‌സ്‌ആപ്പ് 8800007722, delhicm.suggestions@gmail.com എന്നിവ വഴി നിര്‍ദേശങ്ങള്‍ സമര്‍പ്പിക്കാം. ബുധനാഴ്ച വൈകീട്ട് 5 മണിക്കകം അയക്കണം.
