പൊന്‍കുന്നം > ടയര്‍ മാറുന്നതിനിടയില്‍ ജാക്കി തെന്നി വാഹനം ലോഡ് സഹിതം ദേഹത്ത് വീണ് യുവാവ് മരിച്ചു. ശാന്തിഗ്രാം കടമ്പനാട്ട് അബ്ദുല്‍ ഖാദറിന്റെ മകന്‍ അഫ്സല്‍ (24) ആണ് മരിച്ചത്.
പച്ചക്കറി കയറ്റി തിരികെ വരുമ്പോള്‍ കൊല്ലം തേനി ദേശീയപാതയില്‍ പൊന്‍കുന്നം ശാന്തിപ്പടിയില്‍ വൈദ്യുതി ഭവന്റെ സമീപത്ത് വച്ച്‌ രാവിലെ 8.30 ഓടെയായിരുന്നു അപകടം.
മധുരയില്‍ നിന്ന് പച്ചക്കറി കയറ്റി തിരികെ പൊന്‍കുന്നത്തെ പച്ചക്കറി കടയിലേയ്ക്ക് വരികയായിരുന്നു. പഞ്ചറായ ടയര്‍ മാറുന്നതിനായി വെച്ച ജാക്കി തെന്നിമാറി വാഹനം പച്ചക്കറി സഹിതം അഫ്സലിന്റെ ശരീരത്തിലേക്ക് വീണു. അഫ്സല്‍ വാഹത്തിനടിയില്‍പ്പെടുകയായിരുന്നു. സമീപത്ത് ഉണ്ടായിരുന്നവര്‍ ഓടിയെത്തി വാഹനം ഉയര്‍ത്തിയാണ് അഫ്സലിനെ പുറത്തെടുത്ത്. ഉടന്‍തന്നെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പൊന്‍കുന്നം സ്റ്റാന്‍ഡിലെ ഓട്ടോ റിക്ഷാ തൊഴിലാളി കൂടിയാണ് അഫ്സല്‍. അവിവാഹിതനാണ്.
