ജൂലൈ 14 വെള്ളിയാഴ്ച ഇന്ത്യ കാലെടുത്തുവയ്ക്കുന്നത് പുതിയൊരു ചരിത്ര നേട്ടത്തിലേക്കാണ്.
ഇസ്രോ (ISRO) എന്ന ഇന്ത്യൻ ബഹിരാകാശ ഏജൻസി വികസിപ്പിച്ചെടുത്ത ചന്ദ്രയാൻ 3 എന്ന ബഹിരാകാശ പേടകം നാളെ ശ്രീഹരിക്കോട്ടയിലെ സതീഷ് ധവാൻ
സ്പേസ് സെന്ററിൽ നിന്നും വിക്ഷേപിക്കും.
ഇന്ത്യയുടെ മൂന്നാമത്തെ ചാന്ദ്ര പര്യവേക്ഷണ ദൗത്യമാണ് ചന്ദ്രയാൻ 3.
ഇത് വിജയമായാൽ ചന്ദ്രന്റെ ഉപരിതലത്തിൽ ബഹിരാകാശ പേടകം ഇറക്കുന്ന നാലാമത്തെ രാജ്യമായി ഇന്ത്യയെ മാറും.
ചന്ദ്രോപരിതലത്തിൽ സുരക്ഷിതമായി ചന്ദ്രയാൻ 3 ലാൻഡിങ് ചെയ്യാൻ സാധിച്ചാൽ അത് ബഹിരാകാശ ചരിത്രത്തിലെ തന്നെ ഏറ്റവും സുപ്രധാനമായ ഒരു നേട്ടമായിരിക്കും.
2019ൽ ചന്ദ്രയാൻ 2 ദൗത്യത്തിൽ ലാൻഡിങ്ങിലാണ് പ്രശ്നങ്ങൾ നേരിട്ടത്.
സോഫ്റ്റ് ലാൻഡിങിൽ ഉണ്ടായ പ്രശ്നത്തിന് ശേഷം ഇസ്രോ നടത്തുന്ന അടുത്ത ശ്രമമാണ് ചന്ദ്രയാൻ 3. ഈ ദൌത്യം വിജയമായാൽ ഇന്ത്യയുടെ സാങ്കേതിക
വൈദഗ്ധ്യത്തിലൂടെ ചന്ദ്രന്റെ ദക്ഷിണധ്രുവത്തിൽ ഇറങ്ങുന്ന ആദ്യത്തെ ബഹിരാകാശ പേടകമായി ചന്ദ്രയാൻ 3 മാറും.
ചന്ദ്രയാൻ 3 ദൗത്യത്തിൽ പേടകം ചന്ദ്രോപരിതലത്തിൽ സുരക്ഷിതമായി ലാൻഡ് ചെയ്യിക്കുക എന്ന ദൌത്യം മാത്രമല്ല ഉള്ളത്.
അവിടെ ശാസ്ത്രീയ പരീക്ഷണങ്ങൾ നടത്താനുള്ള സംവിധാനവും ഒരുക്കുന്നുണ്ട്.
ശ്രീഹരിക്കോട്ടയിലെ വ്യൂവിങ് ഗാലറിയിൽ നിന്ന് ഏറെ ചന്ദ്രയാൻ 3 വിക്ഷേപണം കാണാനും സാധിക്കും.
ചന്ദ്രയാൻ 2 ദൗത്യത്തിനിടെ ചന്ദ്രന്റെ ഉപരിതലത്തിൽ നിന്ന് കുറച്ച് ദൂരം മാത്രം അകലെ എത്തിയപ്പോൾ ലാൻഡറുമായുള്ള ബന്ധം ഇസ്രോയ്ക്ക് നഷ്ടമായിരുന്നു.
ചന്ദ്രയാൻ 3 ബഹിരാകാശ പേടകത്തിന് ഭൂമിയിൽ നിന്ന് ചന്ദ്രനിലേക്കെത്താൻ ഏകദേശം ഒരു മാസമെടുക്കുമെന്നാണ് കണക്കാക്കപ്പെടുന്നത്.
പേടകം ചന്ദ്രനിൽ ലാൻഡ് ചെയ്യുന്നത് ഓഗസ്റ്റ് 23നായിരിക്കുമെന്നാണ് പ്രതീക്ഷിക്കുന്നത്.
ഇത് ഒരു ചാന്ദ്ര ദിനം പ്രവർത്തിക്കും.
ചന്ദ്രനിലെ ഒരു ദിവസം ഭൂമിയിലെ 14 ദിവസത്തിന് തുല്യമാണ് എന്നതിനാൽ 14 ദിവസമാണ് ചന്ദ്രയാൻ 3യുടെ ചന്ദ്രോപരിതലത്തിലെ പ്രവർത്തനം നടക്കുക.
ചന്ദ്രയാൻ 3 വിജയിച്ചാൽ അത് ഗഗൻയാൻ പോലുള്ള പദ്ധതികൾക്കും ഊർജ്ജമാകും.
പത്ത് ഘട്ടമായിട്ടാണ് ചന്ദ്രയാൻ 3 ദൌത്യം നടക്കുന്നത്.
ഈ എർത്ത് സെൻട്രിക്ക് ഘട്ടത്തിൽ പ്രീ-ലോഞ്ച് ഘട്ടം, വിക്ഷേപണ ഘട്ടം, ഭൂമിയുമായി ബന്ധമുള്ള മാനുവർ ഘട്ടം എന്നിവ ഉൾപ്പെടുന്നു.
രണ്ടാം ഫേസിൽ ലൂണാർ ട്രാസ്ഫർ ഘട്ടം, ട്രാൻസ്ഫർ ട്രജക്ടറി ഘട്ടം എന്നിവ ഉൾപ്പെടുന്നു.
മൂൺ സെൻട്രിക്ക് ഘട്ടത്തിൽ ലൂണാർ ഓർബിറ്റ് ഇൻസെർഷൻ ഫേസ് (LOI),
മൂൺ ബൌണ്ട് മനുവർ ഫേസ്, പിഎം, ലൂണാർ മോഡ്യൂൾ സെപ്പറേഷൻ ഫേസ്, ഡീ-ബൂസ്റ്റ് ഘട്ടം ഫേസ്, പ്രീ-ലാൻഡിംഗ് ഘട്ടം, ലാൻഡിങ് ഫേസ്, ലാൻഡറിനും
റോവറിനുമുള്ള നോർമൽ ഫേസ്, മൂൺ സെൻട്രിക്ക് ഓർബിറ്റ് ഫേസ് എന്നിവയാണ് ഈ ഘട്ടങ്ങൾ.
പ്രൊപ്പൽഷൻ മൊഡ്യൂൾ, ഒരു ലാൻഡർ മൊഡ്യൂൾ, ഒരു റോവർ എന്നിവ ഉൾപ്പെടുന്നതാണ് ചന്ദ്രയാൻ 3 ദൌത്യം.
പ്രൊപ്പൽഷൻ മൊഡ്യൂൾ ലാൻഡറും റോവറും ഇൻജക്ഷൻ ഭ്രമണപഥത്തിൽ നിന്ന് 100 കിലോമീറ്റർ ചന്ദ്ര ഭ്രമണപഥത്തിലേക്ക് കൊണ്ടുപോകും.
ചന്ദ്രന്റെ ഭ്രമണപഥത്തിൽ നിന്ന് ഭൂമിയുടെ സ്പെക്ട്രൽ, പോളാരിമെട്രിക് അളവുകൾ പഠിക്കാൻ ഹാബിറ്റബിൾ പ്ലാനറ്ററി എർത്ത് പേലോഡും ഇതിനൊപ്പം ഉണ്ടാകും.
ലോഞ്ച് വെഹിക്കിളിൽ നിന്നും ഇഞ്ചക്ഷൻ ഭ്രമണപഥത്തിലെത്തിയാൽ ലാൻഡർ വേർപിരിയുന്നത് വരെ എൽഎം കൊണ്ടുപോകുക എന്നതാണ് പ്രൊപ്പൽഷൻ മൊഡ്യൂളിന്റെ പ്രധാന പ്രവർത്തനം.
ഇസ്രോയുടെ ഹെവി-ലിഫ്റ്റ് ലോഞ്ച് വെഹിക്കിളാണ് എൽവിഎം3, തുടർച്ചയായി 6 വിജയകരമായ ദൗത്യങ്ങൾ പൂർത്തിയാക്കിയ വലിയ പാരമ്പര്യമാണ് ഈ ലോഞ്ച് വെഹിക്കിളിനുള്ളത്.
ചന്ദ്രയാൻ 3 ബഹിരാകാശ പേടകത്തെ ജിയോ ട്രാൻസ്ഫർ ഓർബിറ്റിലേക്ക് (ജിടിഒ) വിക്ഷേപിക്കാനൊരുങ്ങുന്നതും എൽവിഎം3യാണ്.
ചന്ദ്രയാൻ 3യുടെ പ്രവർത്തനങ്ങൾ 2020 ജനുവരിയിലാണ് ആരംഭിച്ചത്.
