എലത്തൂര്‍: കമിതാക്കളെ തൂങ്ങിമരിച്ചനിലയില്‍ കണ്ടെത്തി. ചെറുകുളം സ്വദേശി മുഹമ്മദ് നിസാര്‍ (30), കൊയിലാണ്ടി കുറുവങ്ങാട് ഏരത്തുകുന്നുമ്മല്‍ റിന്‍സി (29) എന്നിവരെയാണ് പുതിയങ്ങാടിക്കു സമീപം കോയ റോഡിലെ ലിറ്റില്‍ സ്പേസിലെ വാടക മുറിയില്‍ മരിച്ചനിലയില്‍ കണ്ടത്.
ചൊവ്വാഴ്ചയാണ് ഇവര്‍ മുറിയെടുത്തത്. ബുധനാഴ്ച വൈകീട്ടോടെ മുറിയൊഴിയുമെന്ന് അറിയിച്ചിട്ടും മുറി തുറക്കാതിരുന്നതിനാല്‍ ജീവനക്കാര്‍ രാത്രിയോടെ പൊലീസില്‍ വിവരമറിയിക്കുകയായിരുന്നു.
കാക്കൂര്‍ പാവണ്ടൂര്‍ സ്വദേശിനിയായ റിന്‍സിയുടെ ഭര്‍തൃവീടാണ് കുറുവങ്ങാട്ട്. രണ്ടു കുട്ടികളുമുണ്ട്. സെപ്റ്റംബര്‍ 22ന് റിന്‍സി കുഞ്ഞിനെയുംകൊണ്ട് മുഹമ്മദ് നിസാറിനൊപ്പം പോകുകയായിരുന്നു. തുടര്‍ന്ന് ഒക്ടോബര്‍ 11ന് പൊലീസ് ഇരുവരെയും കോടതിയില്‍ ഹാജരാക്കിയെങ്കിലും കുഞ്ഞിനെ സംരക്ഷണയിലാക്കി നിസാറിനൊപ്പം പോവുകയും മുറി വാടകക്കെടുക്കുകയുമായിരുന്നു. കൈ ഞരമ്ബ് മുറിച്ചനിലയിലാണ് മൃതദേഹങ്ങള്‍. എലത്തൂര്‍ പൊലീസ് ഇന്‍സ്പെക്ടര്‍ എ. സായുജ് കുമാര്‍ സ്ഥലത്തെത്തി മുറിയടച്ചു പൂട്ടി. വ്യാഴാഴ്ച രാവിലെ തുടര്‍നടപടി സ്വീകരിക്കും.
