ക്രിക്കറ്റിലെ റോജര്‍ ഫെഡറര്‍ ആണ് ഇന്ത്യന്‍ ക്യാപ്റ്റന്‍ വിരാട് കോലിഎന്ന് ദക്ഷിണാഫ്രിക്കയുടെ മുന്‍ ക്യാപ്റ്റന്‍ എ.ബി. ഡിവില്ലിയേഴ്‌സ്.ഒരു ഇന്‍സ്റ്റഗ്രാം ചര്‍ച്ചയില്‍, ഓസ്‌ട്രേലിയന്‍ താരം സ്റ്റീവന്‍ സ്മിത്തിനെയും കോലിയെയും താരതമ്യം ചെയ്യുമ്ബോഴാണ് ഡിവില്ലിയേഴ്‌സ് കോലിയെ സ്വിസ് ടെന്നീസ് ഇതിഹാസത്തോട് ഉപമിച്ചത്.
നൈസര്‍ഗികമായ കഴിവുകളാണ് കോലിയുടേത്. അതേസമയം സ്മിത്ത് റാഫേല്‍ നഡാലിനെ ഓര്‍മിപ്പിക്കുന്നു. മാനസികമായി ഏറെ കരുത്തനാണ് സ്മിത്ത് -ഡിവില്ലിയേഴ്‌സ് പറഞ്ഞു. ഇന്ത്യന്‍ പ്രീമിയര്‍ ലീഗില്‍ ബാംഗ്ലൂര്‍ റോയല്‍ ചലഞ്ചേഴ്‌സിനുവേണ്ടി ഒമ്ബതുവര്‍ഷത്തോളമായി ഡിവില്ലിയേഴ്‌സും കോലിയും ഒരുമിച്ചു കളിക്കുന്നു.
