വ്യത്യസ്തമായ മൂന്ന് പരമ്പരകൾ ,മൂന്നും മൂന്ന് രീതിയിൽ വ്യത്യസ്തം, മൂന്നും സൂപ്പർ ഹിറ്റുകൾ . എല്ലാത്തരം പ്രേക്ഷകരുടെയും പൾസ് മനസ്സിലാക്കിയ സംവിധായകൻ പ്രേക്ഷകരുടെ ഇടയിൽ തല എന്ന അപരനാമത്തിൽ അറിയപ്പെടുന്ന തൊട്ടതൊക്കെയും പൊന്നാക്കിയ സംവിധായകൻ രാജേഷ് തലച്ചിറയ്ക്കാണ് കേരളീയം കല സാംസ്‌കാരിക മാധ്യമ പുരസ്ക്കാരം ലഭിച്ചത്.
കൗമുദി ടിവി സംപ്രേഷണം ചെയ്യുന്ന അളിയൻസ് എന്ന Sitcom പരമ്പരയാണ് അദ്ദേഹത്തെ ഈ പുരസ്ക്കാരത്തിന് അർഹനാക്കിയത്.രാജേഷ് തലച്ചിറ എന്ന സംവിധായകന്റെ കഴിവ് പ്രേക്ഷകർ മനസ്സിലാക്കിയ പരമ്പര കൂടിയാണ് അളിയൻസ്. 500 ൽ പരം എപ്പിസോഡുകളുമായി കൗമുദി ടിവിയിൽ വിജയകരമായി മുന്നേറുകയാണ് അളിയൻസ്.
കൗമുദി ടിവി തന്നെ സംപ്രേഷണം ചെയ്യുന്ന മറ്റൊരു പരമ്പരയാണ് ലേഡീസ് റൂം കൂടാതെ ഫ്ലവേഴ്സ് ടിവിയിൽ സംപ്രേഷണം ചെയ്യുന്ന സുരഭിയും സുഹാസിനിയും(സു .സു). ഈ രണ്ട് പരമ്പരയുടെയും അമരക്കാരൻ രാജേഷ് തലച്ചിറ തന്നെയാണ്.
ഇതിനുമുമ്പ് ചെറിയ ചാനലുകളിൽ വലിയ ഹിറ്റ് ഉണ്ടാക്കിയ ചരിത്രവും രാജേഷ് തലച്ചിറയെന്ന സംവിധായകന് സ്വന്തമായുണ്ട്.ഇവിടെ രാജേഷ് തലച്ചിറ എന്ന സംവിധായകന്റെ മിടുക്ക് ഓരോ പ്രേക്ഷകനും മനസ്സിലാകുന്നു.
