ന്യൂഡല്ഹി: കേന്ദ്ര സര്ക്കാര് ജീവനക്കാരുടെയും പെന്ഷന്കാരുടെയും ക്ഷാമബത്ത (ഡിഎ) വര്ധിപ്പിച്ച നടപടി മരവിപ്പിച്ചു. ബുധനാഴ്ചത്തെ കേന്ദ്രമന്ത്രിസഭാ യോഗത്തിലാണ് ഇതുസംബന്ധിച്ച് തീരുമാനമെടുത്തത്. കോവിഡിനെത്തുടര്ന്നുള്ള സാമ്ബത്തിക പ്രതിസന്ധിയുടെ പശ്ചാത്തലത്തിലാണ് തീരുമാനം.
കഴിഞ്ഞ മാസമാണ് സര്ക്കാര് ഡി എ 17 ശതമാനത്തില് നിന്ന് 21 ശതമാനമാക്കി വര്ധിപ്പിച്ചത്. ജനുവരി ഒന്ന് മുതല് മുന്കാല പ്രാബല്യത്തോടെ
നല്കാനായിരുന്നു തീരുമാനം. എന്നാല്, ഈ കലണ്ടര് വര്ഷത്തില് ഇതു നടപ്പാക്കേണ്ടെന്നാണ് തീരുമാനം. കൂടാതെ, 2020 ജൂലായിലും, 2021 ജനുവരിയിലും ഉണ്ടാകേണ്ട ഡിഎ വര്ധനയും വേണ്ടെന്നുവെച്ചിട്ടുണ്ട്.
അതേസമയം, നിലവിലുള്ള ക്ഷാമബത്താ നിരക്ക് തുടരുമെന്നും കേന്ദ്ര ധനമന്ത്രാലയം വ്യക്തമാക്കി. ക്ഷാമബത്താ വര്ധനവ് മരവിപ്പിച്ചതിലൂടെ 2021 മാര്ച്ച് വരെയുള്ള കാലയളവില് 27,000 കോടി രൂപയുടെ ചിലവ് കുറയ്ക്കാനാകുമെന്നാണ് സര്ക്കാര് കണക്കുകൂട്ടുന്നത്.