കൊച്ചി: കൂടത്തായി കൊലപാതക കേസിലെ മുഖ്യപ്രതി ജോളിക്ക് ജാമ്യം അനുവദിച്ചു. കൊലപാതക പരമ്ബരയിലെ അന്നമ്മ തോമസ് വധക്കേസിലാണ് ഹൈകോടതി ജാമ്യം അനുവദിച്ചത്. മറ്റു കേസുകളില് ജാമ്യം അനുവദിക്കാത്തതിനാല് ജോളിക്ക് പുറത്തിറങ്ങാന് സാധിക്കില്ല. നേരത്തെ സിലി വധക്കേസിലും ജോളിക്ക് ജാമ്യം ലഭിച്ചിട്ടുണ്ട്.
കൂടത്തായ് പൊന്നാമറ്റം വീട്ടില് റോയ് തോമസിന്റെ സഹോദരന് നല്കിയ പരാതിയില് നടത്തിയ അന്വേഷണമാണ് കേരളത്തെ ഞെട്ടിച്ച കൊലപാതക പരമ്ബര പുറത്ത് കൊണ്ട് വന്നത്. പൊന്നാമറ്റത്തെ സ്വത്ത് തട്ടിയെടുക്കാന് റോയ് തോമസിന്റെ ഭാര്യയായിരുന്ന ജോളി വ്യാജ ഒസ്യത്ത് തയ്യാറാക്കിയതിന്റെ രഹസ്യ അന്വേഷണം നടത്തിയതിലാണ് കൊലപാതക പരമ്ബരയുടെ ഞെട്ടിക്കുന്ന വിവരങ്ങള് പുറത്തായാത്. അന്നമ്മ തോമസ്, ടോം തോമസ്, റോയ് തോമസ്, മഞ്ചാടിയില് മാത്യു, സിലി, സിലിയുടെ മകള് രണ്ടര വയസുകാരി ആല്ഫൈന് എന്നിവരെയാണ് ജോളി കൊലപ്പെടുത്തിയത്.