തിരുവനന്തപുരം: സംസ്ഥാന എന്‍ജിനീയറിങ്/ഫാര്‍മസി പ്രവേശന പരീക്ഷ ഫലം പ്രസിദ്ധീകരിച്ചു. ഉന്നത വിദ്യാഭ്യാസ മന്ത്രി ഡോ. കെ.ടി. ജലീല്‍ ഒാണ്‍ലൈനായാണ് ഫലപ്രഖ്യാപനം നിര്‍വഹിച്ചത്. www.cee.kerala.gov.in വെബ്സൈറ്റ് വഴി ഫലമറിയാം. പ്രവേശനപരീക്ഷയിലെ സ്കോര്‍ കഴിഞ്ഞ ഒമ്ബതിന് പ്രസിദ്ധീകരിച്ചിരുന്നു.
എന്‍ജിനിയറിങ് വിഭാഗത്തില്‍ കോട്ടയം തെളളകം സ്വദേശി കെ.എസ് വരുണിനാണ് ഒന്നാം റാങ്ക്. കണ്ണൂര്‍ മാതമംഗലം സ്വദേശി ഗോകുല്‍ ഗോവിന്ദിന് രണ്ടാം റാങ്കും, മലപ്പുറം നെടിയപറമ്ബ് സ്വദേശി പി. നിയാസ് മോന്‍ മൂന്നാം റാങ്കും നേടി.
ഫാര്‍മസി പ്രവേശന പട്ടികയില്‍ തൃശൂര്‍ ചൊവ്വന്നൂര്‍ സ്വദേശി അക്ഷയ് കെ. മുരളീധരനാണ് ഒന്നാം റാങ്ക്. കാസര്‍കോട് പരപ്പ സ്വദേശി ജോയല്‍ ജെയിംസ് രണ്ടാം റാങ്കും കൊല്ലം സ്വദേശി അദിത്യ ബൈജു മൂന്നാം റാങ്കും കരസ്ഥമാക്കി. എന്‍ജിനിയറിങ് പ്രവേശന പരീക്ഷയിലെ നാലാം റാങ്ക് ജേതാവാണ് ആദിത്യ
