വിവാഹദിവസം ടെന്‍ഷനടിക്കാത്ത വധൂവരന്മാര്‍ കുറവായിരിക്കും. അണിഞ്ഞൊരുങ്ങി നില്‍ക്കുമ്പോഴും ഉള്ളില്‍ ടെന്‍ഷനുമായിട്ടായിരിക്കും സ്വപ്‌ന ദിനം പലരും പിന്നിടുന്നത്. അതുമാത്രമല്ല വിവാഹ ദിവസം പാട്ടും ഡാൻസുമായി കളറാക്കുന്നത് ഇപ്പോൾ പതിവാണ്. വിവാഹ വസ്ത്രത്തിൽ വധൂവരന്മാരുടെ ഡാൻസൊക്കെ സോഷ്യൽ മീഡിയയിൽ വൈറലാകാറുമുണ്ട്. എന്നാലിതാ ലെഹങ്ക ചുറ്റി ആഭരണങ്ങളൊക്കെയിട്ട് വിവാഹത്തിനൊരുങ്ങി നില്‍ക്കുമ്പോള്‍ വധു പുഷ്അപ്പ് എടുക്കുന്ന വിഡിയോയാണ് വൈറലാകുന്നത്.
ആനാ അറോറ എന്ന യുവതിയാണ് വിഡിയോയിലെ താരം. ചുവപ്പ് നിറത്തിലെ ലെഹങ്കയില്‍ നെക്ലസും വലിയ കമ്മലും നെറ്റിച്ചുട്ടിയുമടക്കം ആഭരണങ്ങളും അണിഞ്ഞ് നില്‍ക്കെയാണ് ആനാ പുഷ്ആപ്പ് എടുക്കുന്നത്.
ഇന്‍സ്റ്റഗ്രാമില്‍ എണ്ണായിരത്തിലധികം ഫോളോവേഴ്‌സുള്ള ആനാ ഫിറ്റ്‌നസ് കോച്ച് ആണ്. സോഷ്യല്‍ മീഡിയയില്‍ വര്‍ക്കൗട്ട് വിഡിയോകള്‍ പങ്കുവയ്ക്കുന്നത് പതിവാണ്. എന്നാല്‍ വിവാഹദിനത്തിലെ സര്‍പ്രൈസ് പോസ്റ്റ് ആണ് ഇക്കൂട്ടത്തില്‍ ഹിറ്റ്.
കല്യാണത്തിന് പാട്ടും ഡാൻസും ഒക്കെ ഔട്ട് ഡേറ്റഡ് ആയി; ലെഹങ്കയിൽ വധുവിന്റെ പുഷപ്പ് വീഡിയോ വൈറൽ
