മലപ്പുറം: കോഴിക്കോട് വിമാനത്താവളത്തില്‍ വെള്ളിയാഴ്ച രാത്രി അപകടത്തില്‍െപട്ട എയര്‍ ഇന്ത്യ എക്സ്പ്രസ് വിമാനം ഇറങ്ങിയത് റണ്‍വേ തെറ്റിച്ചെന്ന് പ്രാഥമിക അന്വേഷണ റിപ്പോര്‍ട്ട്. കിഴക്കുഭാഗത്ത് റണ്‍വേ 28ല്‍ ഇറക്കാനായിരുന്നു പൈലറ്റിന് വ്യോമയാന അധികൃതര്‍ നിര്‍ദേശം നല്‍കിയിരുന്നത്. എന്നാല്‍ ഇവിടെ ഇറങ്ങാതെ റണ്‍വേ 10ലാണ് പൈലറ്റ് ദീപക് വസന്ത് സാഠെ ഇറക്കിയത്.
വിമാനമിറങ്ങുന്ന സമയത്ത് കോരിച്ചൊരിയുന്ന മഴയും ശക്തമായ കാറ്റുമുണ്ടായിരുന്നു റണ്‍വേയില്‍. വിമാനത്തിെന്‍റ അതേ ദിശയിലായിരുന്നു റണ്‍വേ 10ലെ കാറ്റ്. സാധാരണ രീതിയില്‍ വിമാനമിറങ്ങുന്നത് കാറ്റിെന്‍റ എതിര്‍ദിശയിലാണ്. ലാന്‍റിങ് സമയത്തെ വിമാനത്തിെന്‍റ വേഗം കുറക്കാനാണ് ഇങ്ങനെ ചെയ്യുന്നത്. കരിപ്പൂര്‍ വിമാനത്താവളം കൈവെള്ളയിലെന്നപോലെ പരിചയമുള്ളയായിരുന്നു പൈലറ്റ്. നിര്‍ദേശം മറികടന്ന് റണ്‍വേ 10ല്‍ ഇറക്കിയത് അപകടമുണ്ടാവില്ലെന്ന ധാരണയിലായാവാമെന്നാണ് അധികൃതര്‍ നല്‍കുന്ന സൂചന.
