കണ്ണൂർ: കണ്ണൂരിൽ സ്വകാര്യ ബസിൽ നഗ്നതാ പ്രദർശനം. ചെറുപുഴ – തളിപ്പറമ്പ് റൂട്ടിലോടുന്ന ബസിലാണ് സംഭവം. മധ്യവയസ്കനാണ് നഗ്നതാ പ്രദർശനം നടത്തിയത്.
ബസിലെ യാത്രക്കാരിയായ യുവതിയാണ് വീഡിയോ പകർത്തി ദൃശ്യങ്ങൾ പുറത്തുവിട്ടത്. ദുരനുഭവം വിവരിച്ച് യുവതി സോഷ്യൽ മീഡിയയിൽ വീഡിയോ പോസ്റ്റ് ചെയ്തതോടെയാണ് സംഭവം പുറത്തറിയത്.
ബസിൽ ഇരുന്ന് സ്വയംഭോഗം ചെയ്യുകയായിരുന്നു മധ്യവയസ്കൻ.തളിപറമ്പ് – ചെറുപുഴ റൂട്ടിലോടുന്ന സ്വകാര്യ ബസിൽ യാത്രക്കാരനായ മധ്യവയസ്ക്കൻ നഗ്നതാ പ്രദർശനം നടത്തിയെന്നാണ് പരാതി.
കഴിഞ്ഞ ദിവസം രാവിലെ ചെറുപുഴ ബസ് സ്റ്റാൻഡിലാണ് സംഭവം. തളിപറമ്പിലേക്ക് പുറപ്പെടാനായി ബസ് സ്റ്റാൻഡിലെ ട്രാക്കിൽ നിർത്തിയിട്ട സ്വകാര്യ ബസിൽ ഇരുന്ന മധ്യവയസ്കനാണ് നഗ്നതാ പ്രദർശനം നടത്തിയത്.
ചെറുപുഴയിൽ സ്റ്റാൻഡിൽ നിർത്തിയിട്ട ബസിൽ രണ്ടാം യാത്രക്കാരിയായി കയറിയ യുവതിക്കാണ് ദുരനുഭവം.ബസിന്‍റെ സീറ്റിൽ ഇരുന്ന മധ്യവയസ്കൻ പത്രം വായിക്കുന്ന വ്യാജേനെ യുവതി കാണത്തക്കവിധം നഗ്നതാ പ്രദർശനം നടത്തുകയായിരുന്നു.
യുവതി ബസിൽകയറി വന്നപ്പോൾ കാണുന്ന കാഴ്ച്ച തന്നെ നഗ്നതാ പ്രദർശനമായിരുന്നു. ഈ സമയം ബസിൽ ജീവനക്കാരുണ്ടായിരുന്നില്ല.
ചെറുപുഴ സ്വദേശിനായ യുവതി തനിക്കുണ്ടായ ദുരനുഭവം വീഡിയോ ദൃശ്യം സഹിതം സോഷ്യൽ മീഡിയയിൽ പങ്കു വയ്ക്കുകയായിരുന്നു.
താൻ വീഡിയോ ചിത്രീകരിക്കുമ്പോഴും മധ്യ വയസ്കനായ ആൾ നഗ്നതാ പ്രദർശനം യാതൊരു കൂസലുമില്ലാതെ തുടരുകയായിരുന്നുവെന്ന് 22 വയസുകാരിയായ യുവതി പറയുന്നു.
സോഷ്യൽ മീഡിയയിൽ ദൃശ്യം പ്രചരിച്ചതിനെ തുടർന്ന് അന്വേഷണം ആരംഭിച്ചതായി ചെറുപുഴ പോലീസ് അറിയിച്ചു. വീഡിയോ ദൃശ്യങ്ങളിൽ നിന്നും ഇയാളെ തിരിച്ചറിഞ്ഞിട്ടുണ്ടെന്ന് പോലീസ് പറഞ്ഞു.
