മുംബൈ: ഓടുന്ന ട്രെയിനില്‍ ചാടിക്കയറാന്‍ ശ്രമിക്കുന്നതിനിടെ വീട്ടമ്മ തെറിച്ചുവീണു. ട്രെയിനിനും പ്ലാറ്റ്ഫോമിനും ഇടയില്‍ കുരുങ്ങിയ ഇവരെ ബന്ധുക്കളടക്കമുള്ള യാത്രക്കാരും പൊലീസും ചേര്‍ന്ന് വലിച്ചെടുത്തു
മുംബൈയിലെ വസായ് റോഡ് റെയില്‍വേ ജംഗ്ഷനിലാണ് സംഭവം. കുടുംബത്തോടൊപ്പം യാത്രപോകാനെത്തിയ വീട്ടമ്മ നീങ്ങിത്തുടങ്ങിയ ട്രെയിനില്‍ കയറാന്‍ ശ്രമിക്കുകയായിരുന്നു. തുടര്‍ന്ന് കാല്‍തെന്നി പിടിവിട്ട് ട്രെയിനിനും ട്രാക്കിനുമിടയില്‍ കുടുങ്ങി. കൂടെയുണ്ടായിരുന്ന പുരുഷനും സ്ത്രീയും ചേര്‍ന്ന് ഇവരെ വലിച്ച്‌ പുറത്തെടുക്കുന്നതിനിടെ സഹായവുമായി മറ്റുയാത്രക്കാരും പൊലീസും എത്തി. ഇവരെ പ്ലാറ്റ്ഫോമില്‍ കിടത്തിയ ഉടന്‍ ട്രെയിന്‍ നിര്‍ത്തുകയും ചെയ്തു.
സംഭവത്തിന്‍റെ സി.സി.ടി.വി ദൃശ്യം എ.എന്‍.ഐ വാര്‍ത്താ ഏജന്‍സി പുറത്തുവിട്ടു.
