എസ്എസ്എൽസി: 98.11% പേർ വിജയിച്ചു; 37,334 പേർക്ക് എല്ലാ വിഷയങ്ങളിലും എ പ്ലസ്
എസ്എസ്എൽസി പരീക്ഷാഫലം പ്രഖ്യാപിച്ചു. ടിഎച്ച്എസ്എൽസി, എസ്എസ്എൽസി (ഹിയറിങ് ഇംപയേഡ്), എഎച്ച്എസ്എൽസി ഫലങ്ങളും പ്രസിദ്ധീകരിച്ചു. പെരുമാറ്റച്ചട്ടം നിലവിലുള്ളതിനാൽ വിദ്യാഭ്യാസ മന്ത്രിക്കു പകരം പൊതുവിദ്യാഭ്യാസ സെക്രട്ടറി ആണ് വാർത്താസമ്മേളനത്തിൽ ഫലം പ്രഖ്യാപിച്ചത്. കേരളത്തിലും ലക്ഷദ്വീപിലുമായി 2939 സെന്ററുകൾ വഴി 4,34,829 വിദ്യാർഥികൾ പരീക്ഷയെഴുതി. ഈ വർഷം ആർക്കും മോഡറേഷൻ നൽകിയിട്ടില്ല.ആരുടെയും ഫലം തടഞ്ഞുവച്ചിട്ടില്ല. 98.11% പേർ വിജയിച്ചു.
