ദുബൈ: ചാനലുകളുടെയും പത്രങ്ങളുടെയും എക്സിറ്റ് പോളും സര്വേയുമെല്ലാം പൊട്ടിപ്പൊളിഞ്ഞ് നില്ക്കുേമ്ബാള് ദുബൈയിലിരുന്ന് അക്ഷരം തെറ്റാതെ പ്രവചനം നടത്തിയിരിക്കുകയാണ് തൃശൂര് ചാവക്കാട് അണ്ടത്തോട് സ്വദേശി അല് അമീന്. തെരഞ്ഞെടുപ്പ് ഫലം വരുന്നതിന് തൊട്ടുമുമ്ബത്തെ ദിവസം ഫേസ്ബുക്കിലും വാട്സാപ് ഗ്രൂപ്പുകളിലുമാണ് അമീന് തെന്റ പ്രവചനം പോസ്റ്റ് ചെയ്തത്. എല്.ഡി.എഫിന് 99 സീറ്റും യു.ഡി.എഫിന് 41 സീറ്റും എന്.ഡി.എക്ക് പൂജ്യവുമാണ് അമീന് പ്രവചിച്ചത്.
പഞ്ചായത്ത് തെരഞ്ഞെടുപ്പില് വാട്സാപ്പ് ഗ്രൂപ്പുകളില് വിലയിരുത്തലുകള് നടത്തിയിട്ടുണ്ട് എന്നല്ലാതെ ഇങ്ങനെയൊരു പ്രവചനം നടത്തിയത് ആദ്യമായാണെന്ന് 27കാരനായ അമീന് പറയുന്നു.നാട്ടില് ട്രാവല്സില് ജോലി ചെയ്തിരുന്ന അമീന് ജോലി തേടിയാണ് ദുബൈയില് എത്തിയത്. നിലവില് സഹോദരി സുമയ്യയുടെ കുടുംബത്തോടൊപ്പം ദിബ്ബ അല്ഹിസനിലാണ് താമസം. ഒരു മാസമായി തെരഞ്ഞെടുപ്പ് പ്രവചനം ഫേസ്ബുക്കില് പോസ്റ്റ് ചെയ്യണമെന്ന് ആലോചിക്കുന്നു. 120 സീറ്റ് വരെ ലഭിക്കുമെന്നായിരുന്നു കണക്ക് കൂട്ടല്. പക്ഷെ, തെരഞ്ഞെടുപ്പ് അടുത്തപ്പോള് പ്രതിപക്ഷം ഉണര്ന്ന്് പ്രവര്ത്തിച്ചതും സ്വര്ണക്കടത്ത്, പി.എസ്.സി നിയമനം, ആഴക്കടല് മത്സ്യ ബന്ധനം തുടങ്ങിയവയും ഇടതുപക്ഷത്തിെന്റ സീറ്റ് കുറക്കുമെന്ന് കരുതി.
അങ്ങനെയാണ് 99- 41ല് പ്രചവനം നടത്തിയത്. ഇത് വെറും ‘തള്ളാണ്’ എന്നായിരുന്നു ആദ്യം വന്ന കമന്റുകള്. കുറച്ച് കുറക്കാന് പറ്റുമോ എന്ന് പോലും പലരും ചോദിച്ചു. പ്രവചനം കിറുകൃത്യമായെങ്കിലും അമീന് പ്രത്യേക രാഷ്ട്രീയ പാര്ട്ടിയോട് ചായ്വില്ല. ഓരോ സമയത്തെ രാഷ്ട്രീയ പാര്ട്ടികളുടെ നിലപാടും സ്ഥാനാര്ഥിയുടെ ഗുണഗണങ്ങളും പരിഗണിച്ചായിരിക്കും വോട്ട്. മലേഷ്യയില് കളരി അഭ്യാസി ആയിരുന്ന ഉസ്താദ് ഹംസ ഗുരുക്കളുടെ മകനായ അല്അമീന് അവിവാഹിതനാണ്. ബി കോം ബിരുദധാരിയായ അമീന് അയാട്ട പരിശീലനം പൂര്ത്തിയാക്കിയിട്ടുണ്ട്. യു.എ.ഇയില് നല്ലൊരു ജോലിയാണ് ലക്ഷ്യം.
കൃത്യമായി പ്രവചിച്ച് മജീദും മാഹിനും
റാസല്ഖൈമ: തെരഞ്ഞെടുപ്പിനോടനുബന്ധിച്ച് റേഡിയോ ഏഷ്യ നടത്തിയ പ്രവചന മത്സരത്തിലും 99- 41- 00 പ്രവചിച്ച് രണ്ടു മലയാളികള്. അബ്ദുല് മജീദ്, മാഹിന് എന്നിവരാണ് മാന്ത്രിക പ്രവചനം നടത്തി 50,000 രൂപ സമ്മാനത്തുക നേടിയത്. വിവിധ എമിറേറ്റുകളില്നിന്ന് പത്തോളം പേര് കൃത്യമായി പ്രവചിച്ചതായി റേഡിയോ ഏഷ്യ നെറ്റ്വര്ക്കിങ് സി.ഇ.ഒ ബ്രിജ്രാജ് ബല്ല അറിയിച്ചു.