ന്യൂഡല്‍ഹി: റിസര്‍വ് ബാങ്ക് റിപ്പോ നിരക്കില്‍ 0.40 ശതമാനം കുറവു വരുത്തി. റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് ആണ് ഇക്കാര്യം അറിയിച്ചത്. ഇതോടെ റിപ്പോ നിരക്ക് നാലു ശതമാനമായി. രാജ്യത്ത് പണ ലഭ്യത ഉറപ്പു വരുത്തുകയെന്ന ലക്ഷ്യത്തോടെയാണ് നടപടി.
റിവേഴ്‌സ് റീപോ നിരക്ക് 3.35 ശതമാനമാക്കി. വായ്പ മൊറോട്ടോറിയം ഓഗസ്റ്റ് 31 വരെ നീട്ടി. എട്ടുലക്ഷം കോടി രൂപയുടെ സാമ്ബത്തിക പാക്കേജും ആര്‍ബിഐ പ്രഖ്യാപിച്ചു. ആഗോള സമ്ബദ് വ്യവസ്ഥ മാന്ദ്യത്തിലേക്കു നീങ്ങുകയാണെന്നും ഈ പ്രതിസന്ധികളെ തരണം ചെയ്യാന്‍ ഇന്ത്യക്ക് ശേഷിയുണ്ടെന്നും ശക്തികാന്ത ദാസ് വ്യക്തമാക്കി.
