കൊച്ചി: ( 22.05.2021) ദിലീപിന്റെയും മഞ്ജു വാര്യരുടെയും മകള്‍ മീനാക്ഷിയെ മലയാള സിനിമാ പ്രേക്ഷകര്‍ക്ക് എന്നും സുപരിചിതമാണ്. അച്ഛനും അമ്മയും സിനിമാ മേഖലയില്‍ സജീവമായി നില്‍ക്കുമ്ബോഴും അഭിനയത്തിലേക്ക് മീനാക്ഷി ഇതുവരെ വന്നിട്ടില്ല. പക്ഷേ, ഡാന്‍സില്‍ അമ്മയുടെ കഴിവുകള്‍ താരപുത്രിക്ക് കിട്ടിയിട്ടുണ്ടെന്ന് പറയാതിരിക്കാനാവില്ല. ഓരോ ഡാന്‍സ് വീഡിയോയിലും മീനാക്ഷി അത് ആരാധകരെ തെളിയിച്ചു കൊണ്ടിരിക്കുന്നു.
സിനിമാ നടനും സംവിധായകനുമായ നാദിര്‍ഷായുടെ മകള്‍ ആയിഷയുടെ വിവാഹ ആഘോഷങ്ങളില്‍ മീനാക്ഷി കൂട്ടുകാര്‍ക്കൊപ്പം ഡാന്‍സ് ചെയ്തത് സോഷ്യല്‍ മീഡിയയില്‍ വൈറലായിരുന്നു. ഇപ്പോഴിതാ തന്റെ നൃത്തത്താല്‍ വീണ്ടും സോഷ്യല്‍ മീഡിയയില്‍ ആരാധകര്‍ക്ക് ആവേശമായി മാറിയിരിക്കുകയാണ് മീനാക്ഷി. ഇന്‍സ്റ്റഗ്രാമിലാണ് മീനാക്ഷി തന്റെ ഡാന്‍സ് വീഡിയോ പങ്കുവച്ചത്. ഹിന്ദി പാട്ടിനാണ് മീനാക്ഷി നൃത്തച്ചുവടുകളാല്‍ മനോഹരമാക്കിയത്. നിരവധി പേര് ലൈകും കമന്റുമായി വിഡിയോ വൈറലാക്കി. സിനിമ നടിയും മീനാക്ഷിയുടെ കൂട്ടുകാരിയുമായ നമിദാ പ്രമോദും കമന്റുമായി രംഗത്ത് വന്നു.
