തൃശൂര്‍: തൃശൂര്‍ കേരളവര്‍മ്മ കോളേജില്‍ ചെയര്‍മാൻ സ്ഥാനത്ത് എസ്‌എഫ്‌ഐക്ക് ജയം. എസ്‌എഫ്‌ഐയുടെ അനിരുദ്ധൻ 11 വോട്ടിനു ജയിച്ചു.
കെഎസ്‌യുവിന്റെ ചെയര്‍മാന്‍ സ്ഥാനാര്‍ത്ഥി ശ്രീക്കുട്ടനെ പരാജയപ്പെടുത്തിയാണ് എസ്‌എഫ്‌ഐ ജയിച്ചത്. ചെയര്‍പേഴ്സ്ണ്‍ സ്ഥാനത്തേക്ക് കെ എസ് യു സ്ഥാനാര്‍ത്ഥി വിജയിച്ചതോടെ എസ്‌എഫ്‌ഐ കൗണ്ടിങ് ആവശ്യപ്പെട്ടിരുന്നു.
ആദ്യം കൗണ്ടിങ്ങില്‍ കെഎസ്‌യു സ്ഥാനാര്‍ത്ഥി ഒരു വോട്ടിന്റെ ലീഡില്‍ വിജയിച്ചതായി സ്ഥിരീകരിച്ചെങ്കിലും വീണ്ടും കൗണ്ടിങ് വേണമെന്ന് എസ്‌എഫ്‌ഐ ആവശ്യപ്പെടുകയായിരുന്നു.
എസ്‌എഫ്‌ഐ ഫലം അട്ടിമറിച്ചെന്ന് ആരോപിച്ച്‌ കെഎസ്‌യു തിരഞ്ഞെടുപ്പ് ബഹിഷ്കരിച്ച്‌ ക്യാമ്ബസില്‍ നിന്നും ഇറങ്ങിപ്പോയിരുന്നു. രാത്രി ഏറെ വൈകിയാണ് കൗണ്ടിങ് അവസാനിച്ചത്.
തിരഞ്ഞെടുപ്പ് നിര്‍ത്തിവയ്ക്കാൻ പ്രിൻസിപ്പല്‍ ആവശ്യപ്പെട്ടെങ്കിലും റിട്ടേണിംഗ് ഓഫീസര്‍ അതിന് തയ്യാറായിരുന്നില്ല. കൗണ്ടിങ് ടേബിളിലെ അധ്യാപകരെ എസ്‌എഫ്‌ഐ ഭീഷണിപ്പെടുത്തിയതായും കെഎസ്‌യു ആരോപിച്ചു.
അതേസമയം, കെഎസ്‌യു സ്ഥാനാര്‍ഥി ചെയര്‍മാൻ സ്ഥാനത്ത് വിജയിച്ചതായി ഔദ്യോഗികമായി പ്രഖ്യാപിച്ചിട്ടില്ലെന്ന് എസ്‌എഫ്‌ഐ സംസ്ഥാന ജോയിൻ സെക്രട്ടറി ഹസൻ മുബാറക്ക് അറിയിച്ചിരുന്നു.
ശ്രീക്കുട്ടൻ വിജയിച്ചു എന്നത് തെറ്റായ പ്രചരണമാണ്. ഇരു സ്ഥാനാര്‍ത്ഥികളും 895 വോട്ടുകള്‍ നേടിയപ്പോള്‍ എസ്‌എഫ്‌ഐ റീകൗണ്ടിംഗ് ആവശ്യപ്പെടുകയായിരുന്നു.
ഇടതുപക്ഷ അധ്യാപകരും കോണ്‍ഗ്രസ് അധ്യാപകരും ഒന്നിച്ചു നിന്നാണ് തെരഞ്ഞെടുപ്പ് നടത്തുന്നത്. അവിടെ അട്ടിമറിക്ക് ശ്രമിച്ചു എന്നത് കെഎസ്‌യുവിന്റെ കുപ്രചരണം മാത്രം എന്നും എസ്‌എഫ്‌ഐ പറഞ്ഞു.
