അഹ്മദാബാദ്: ടൗേട്ട ചുഴലിക്കാറ്റ് വീശിയടിച്ചതിന് പിന്നാലെ ഗുജറാത്തിലെ അഹ്മദാബാദില്‍ അഞ്ചുനില കെട്ടിടം നിലംപൊത്തി. കെട്ടിടം തകര്‍ന്നുവീഴുന്നതിെന്‍റ വിഡിയോ പുറത്തുവന്നു.
24 വര്‍ഷം പഴക്കമുള്ള കെട്ടിടമാണ് തകര്‍ന്നുവീണത്. കെട്ടിടത്തില്‍ താമസിച്ചിരുന്ന 28 പേരും ഒഴിഞ്ഞുപോയിരുന്നതിനെ തുടര്‍ന്ന് വന്‍ ദുരന്തം ഒഴിവാകുകയായിരുന്നു.
ടൗേട്ട ചുഴലിക്കാറ്റ് ശക്തിയായി വീശിയടിച്ചതോടെ ചൊവ്വാഴ്ച കെട്ടിടത്തിന് ചെറിയ അനക്കമുണ്ടായിരുന്നു. തുടര്‍ന്ന് സുരക്ഷ കാരണത്താല്‍ താമസക്കാരെ ഇവിടെനിന്ന് മാറ്റിപാര്‍പ്പിച്ചു. അപകടത്തില്‍ ആര്‍ക്കും പരിക്കേറ്റിട്ടില്ല.
India: Five-storey building collapses in Jamalpur, Ahmedabad. #BuildingCollapse #JamalpurBuildingCollapse #Gujaratpic.twitter.com/Jstv9e6ZOb
— Annu Kaushik (@AnnuKaushik253) May 19, 2021
കെട്ടിടം തകര്‍ന്നുവീണതിെന്‍റ കാരണം ഇതുവരെ വ്യക്തമായിട്ടില്ല. സംഭവത്തില്‍ അന്വേഷണം നടത്തുമെന്നും ഡെപ്യൂട്ടി കമ്മീഷണര്‍ അറിയിച്ചു.
ടൗേട്ട ചുഴലിക്കാറ്റ് ഗുജറാത്തിെന്‍റ തീരപ്രദേശങ്ങളില്‍ കനത്ത നാശം വിതച്ചിരുന്നു. ദിയു -ഉന പ്രദേശങ്ങളില്‍ കനത്ത മഴയും കാറ്റും നാശം വിതക്കുകയായിരുന്നു. ഗുജറാത്തില്‍ 45 പേര്‍ക്കാണ് ചുഴലിക്കാറ്റിനെ തുടര്‍ന്ന് ജീവന്‍ നഷ്ടമായി. ഏകദേശം 69,000 വൈദ്യുത പോസ്റ്റുകളും നിരവധി മരങ്ങളും നിലംപൊത്തി. നിരവധി കൃഷിനാശവും സംസ്ഥാനത്ത് സംഭവിച്ചിരുന്നു.
