തിരുവനന്തപുരം: അവധി നിഷേധിച്ച ഇന്‍സ്‌പെക്ടറെ വനിതാ കണ്ടക്ടര്‍ പരസ്യമായി തല്ലിയാതായി പരാതി. അതേസമയം, മര്‍ദിക്കാന്‍ ശ്രമിക്കുന്നതിനിടെ ഇന്‍സ്പെക്ടര്‍ ഒഴിഞ്ഞുമാറിയതിനാല്‍ വനിതാ കണ്ടക്ടര്‍ നിലതെറ്റി താഴെ വീണതായും റിപ്പോര്‍ട്ടുണ്ട്. കെ.എസ്.ആര്‍.ടി.സി തൃശ്ശൂര്‍ ഡിപ്പോയിലാണ് സംഭവം. മേലുദ്യോഗസ്ഥനെ പരസ്യമായി ആക്രമിച്ചുവെന്ന കുറ്റത്തിന് വനിതാ കണ്ടക്ടറേയും, കോര്‍പ്പറേഷന്റെ സല്‍പ്പേരിന് കളങ്കമുണ്ടാക്കിയെന്ന കുറ്റം ചുമത്തി ഇന്‍സ്‌പെക്ടര്‍ക്കെതിരേയും കേസുണ്ട്. ഇരുവരെയും സ്ഥലം മാറ്റുകയും ചെയ്തു. മേലുദ്യോഗസ്ഥനെതിരെ വകുപ്പുതല നടപടി സ്വീകരിച്ചതില്‍ സൂപ്പര്‍വൈസറി വിഭാഗത്തില്‍ ശക്തമായ പ്രതിഷേധമുണ്ട്.
അവധി നിഷേധിച്ചു, ഇന്‍സ്‌പെക്ടറെ വനിതാ കണ്ടക്ടര്‍ പരസ്യമായി തല്ലി; ഒഴിഞ്ഞുമാറിയതോടെ കണ്ടക്ടര്‍ നിലതെറ്റി താഴെ വീണു; ഇരുവര്‍ക്കുമെതിരെ കേസ്.
