തിരുവനന്തപുരം: അമ്പ ലമുക്കില്‍ ഇന്ന് പുലര്‍ച്ചെ ഉണ്ടായ തീപിടിത്തത്തില്‍ ഹോട്ടല്‍ അടക്കം മൂന്ന് കടകള്‍ പൂര്‍ണമായും കത്തിനശിച്ചു, ആളപായമില്ല. നാല് യൂണിറ്റ് ഫയര്‍ഫോഴ്സ് എത്തി തീയണച്ചതിനാല്‍ സമീപത്തെ വീടുകളിലേക്ക് തീ പടര്‍ന്നില്ല. ക്രസന്‍്റ് ഫാസ്റ്റ്ഫുഡ് എന്ന ഹോട്ടലില്‍ നിന്നാണ് തീ പടര്‍ന്നതെന്നാണ് പ്രാഥമിക നിഗമനം. ഹോട്ടലിനോട് ചേര്‍ന്നുള്ള ടിവി റിപ്പയറിംഗ് കടയും ഫോട്ടോസ്റ്റാറ്റ് കടയുമാണ് കത്തിനശിച്ചത്.ഇന്ന് പുലര്‍ച്ചെ 5 മണിയോടെയാണ് തീ പിടിത്തമുണ്ടായത്. ഹോട്ടലില്‍ എട്ട് പാചകവാതക സിലിണ്ടറുകള്‍ സൂക്ഷിച്ചിരുന്നു. ഇതില്‍ രണ്ടെണ്ണം പൊട്ടിത്തെറിച്ചതാണെന്നാണ് നിഗമനം. ലോക്ക് ഡൗണിനെ തുടര്‍ന്ന് രണ്ടാഴ്ചയായി ഹോട്ടല്‍ അടച്ചിട്ടിരിക്കുകയായിരുന്നു. 30 ലക്ഷം രൂപയുടെ നഷ്ടം കണക്കാക്കുന്നുവെന്ന് ഹോട്ടലുടയായ മണക്കാട് സ്വദേശി അബ്ദുള്‍ റഹ്മാന്‍ പറഞ്ഞു.
അമ്പലമുക്കിലെ തീപിടുത്തം: ഹോട്ടല്‍ അടക്കം മൂന്ന് കടകള്‍ പൂര്‍ണമായും കത്തിനശിച്ചു; ആളപായമില്ല
