മേപ്പാടി: വയനാട്ടിലെ മുണ്ടക്കൈ, ചൂരല്‍മല ഉരുള്‍പൊട്ടലില്‍ മരണസംഖ്യ കുത്തനെ ഉയരുന്നു. മരണസംഖ്യ രാജ്യത്തെ തന്നെ നടുക്കുന്ന വിധത്തിലാകും എന്നകാര്യം ഉറപ്പായിട്ടുണ്ട്. മരണസംഖ്യ 177 ആയി ഉയര്‍ന്നിട്ടുണ്ട്. മരിച്ചവരില്‍ 75 മൃതദേഹങ്ങള്‍ തിരിച്ചറിഞ്ഞു. മരിച്ചവരില്‍ 91 പേരുടെ മൃതദേഹങ്ങള്‍ മേപ്പാടി കുടുംബരോഗ്യ കേന്ദ്രത്തിലും 32 മൃതദേഹങ്ങള്‍ നിലമ്ബൂര്‍ ഗവ. ആശുപത്രിയിലുമായിരുന്നു. 123 പേരുടെയും പോസ്റ്റ്‌മോര്‍ട്ടം പൂര്‍ത്തിയായി. മൃതദേഹങ്ങള്‍ സംസ്‌ക്കരിക്കുന്നതിനായി സന്നദ്ധ സേവകരും സംഘടനകളും ഒപ്പമുണ്ടാകും. 225 പേരെ കാണാനില്ലെന്ന് റെവന്യൂ വകുപ്പ് അറിയിച്ചിട്ടുണ്ട്. കാണാതായവരെ കുറിച്ചുള്ള ഇതുവരെയുള്ള ഔദ്യോഗക അറിയിപ്പാണ് ഇത്. അതേസമയം മലപ്പുറത്ത് നിന്നുള്ള മൃതദേഹങ്ങള്‍ വയനാട്ടില്‍ എത്തിച്ച ശേഷം എല്ലാ മൃതദേഹങ്ങളും മേപ്പാടിയിലാണ് പോസ്റ്റുമോര്‍ട്ടം നടത്തിയത്. പരിക്കേറ്റ 195 പേര്‍ വിവിധ ആശുപത്രികളിലായി ചികിത്സയിലുണ്ട്. ഇതില്‍ 190 പേര്‍ വയനാട്ടിലും 5 പേര്‍ മലപ്പുറത്തുമായിരുന്നു. വയനാട്ടിലെത്തിയ 190 പേരില്‍ 133 പേര്‍ വിംസ് മെഡിക്കല്‍ കോളജ്…
ഉരുള്‍പൊട്ടലില്‍ മരണം 177 ആയി; 225 പേരെ കാണാനില്ലെന്ന് റെവന്യൂ വകുപ്പ്; ബെയ്‌ലി പാല നിര്‍മാണം നാളെ പൂര്‍ത്തിയാകും; എങ്ങും കരളലിയിക്കുന്ന കാഴ്ച്ചകള്‍
