എൻ.ഡി.എ മുന്നണിയുടെ വിജയത്തെ ഇല്ലാതാക്കാനാണ് പ്രതിപക്ഷ ശ്രമമെന്ന് പ്രധാനമന്ത്രി നരേന്ദ്ര മോദി. രാജ്യസഭയില്‍ നന്ദിപ്രമേയ ചർച്ചക്ക് മറുപടി പറയുമ്ബോഴാണ് പരാമർശം. 10 വർഷം എൻ.ഡി.എ ഭരണം പൂർത്തിയാക്കി. ഇതിന് 20 വർഷം കൂടി മുന്നണി തന്നെ ഭരിക്കുമെന്ന് അദ്ദേഹം പറഞ്ഞു. ഇന്ത്യൻ ഭരണഘടന ഉള്ളതിനാലാണ് എൻ.ഡി.എ വീണ്ടും അധികാരത്തിലെത്തിയത്. അംബേദ്കറിന്റെ ഭരണഘടനയുള്ളതിനാലാണ് താൻ ഇവിടെ നില്‍ക്കുന്നതെന്നും മോദി പറഞ്ഞു. വികസിത ഭാരതത്തിനും ആത്മനിർഭർ ഭാരതത്തിനും വേണ്ടിയാണ് ജനങ്ങള്‍ തനിക്ക് വോട്ട് ചെയ്തത്. അടുത്ത അഞ്ചു വർഷത്തിനുള്ളില്‍ ദാരിദ്ര്യത്തിനെതിരെ നിർണായക നടപടികള്‍ സ്വീകരിക്കുമെന്നും മോദി കൂട്ടിച്ചേർത്തു. ലോക്സഭക്ക് സമാനമായി രാജ്യസഭയിലും മോദിയുടെ നന്ദിപ്രമേയ പ്രസംഗത്തിനിടെ പ്രതിപക്ഷ പ്രതിഷേധമുണ്ടായി. സഭയില്‍ കോണ്‍ഗ്രസ് അധ്യക്ഷൻ മല്ലികാർജുൻ ഖാർഗെയെ സംസാരിക്കാൻ അനുവദിക്കണമെന്നാവശ്യപ്പെട്ടായിരുന്നു പ്രതിഷേധം. രാജ്യസഭ നിർത്തിവെക്കണമെന്നും നുണ പറയുന്നത് അവസാനിപ്പിക്കണമെന്നും പ്രതിപക്ഷം ആവശ്യപ്പെട്ടു. തുടർന്ന് പ്രതിപക്ഷം രാജ്യസഭയില്‍ നിന്നും ഇറങ്ങിപ്പോയി. ഇതിന് പിന്നാലെ…
ബി.ജെ.പി 20 വര്‍ഷം കൂടി ഇന്ത്യ ഭരിക്കും; മോദി
