ന്യൂഡല്ഹി: രാജ്യത്ത് കോവിഡ് ബാധിതരുടെ എണ്ണം 50000 കടന്നു. 52952 പേര്ക്കാണ് ഇതുവരെ കോവിഡ് സ്ഥിരീകരിച്ചത്.
ഇതുവരെ 1783 പേര് കൊറോണ വൈറസ് ബാധയെ തുടര്ന്ന് മരണത്തിന് കീഴടങ്ങിയതായി കേന്ദ്രസര്ക്കാര് കണക്കുകള് വ്യക്തമാക്കുന്നു. 35902 പേരാണ് കോവിഡ് സ്ഥിരീകരിച്ചതിനെ തുടര്ന്ന് വിവിധ ആശുപത്രികളില് ചികിത്സയില് കഴിയുന്നത്. 15266 പേര് രോഗമുക്തി നേടി ആശുപത്രി വിട്ടതായും കേന്ദ്രസര്ക്കാര് വ്യക്തമാക്കുന്നു.
രാജ്യത്ത് ഏറ്റവുമധികം കോവിഡ് കേസുകള് റിപ്പോര്ട്ട് ചെയ്ത മഹാരാഷ്ട്രയില് കൊറോണ വൈറസ് ബാധിതരുടെ എണ്ണം 17000ലേക്ക് അടുക്കുന്നു. 16758 പേര്ക്കാണ് കോവിഡ് സ്ഥിരീകരിച്ചത്. ഗുജറാത്താണ് തൊട്ടുപിന്നില്. 6625പേര്ക്കാണ് കോവിഡ് സ്ഥിരീകരിച്ചത്. ഡല്ഹിയില് കോവിഡ് ബാധിതരുടെ എണ്ണം 5532 ആയി ഉയര്ന്നതായും കേന്ദ്രസര്ക്കാര് വ്യക്തമാക്കുന്നു.