ത്രിദിന സന്ദര്ശനത്തിനായി പ്രധാനമന്ത്രി നരേന്ദ്രമോദി യൂറോപ്പിലേക്ക് പുറപ്പെട്ടു.യുക്രെയിനെതിരായി റഷ്യ യുദ്ധം തുടരുന്നതിനിടെയാണ് പ്രധാനമന്ത്രിയുടെ യൂറോപ്യന് രാജ്യങ്ങളിലെ സന്ദര്ശനം.
ഇന്ന് ബെര്ലിനിലെത്തുന്ന പ്രധാനമന്ത്രി ഇന്ത്യ-ജര്മനി ഇന്റര് ഗവണ്മെന്റല് കണ്സള്ട്ടേഷന്സിന്റെ ആറാമത് എഡിഷന്റെ ഭാഗമായി ജര്മന് ചാന്സലര് ഒലാഫ് ഷോള്സുമായി ചര്ച്ചകള് നടത്തും. ജര്മ്മന് മന്ത്രിമാരുമായും പ്രധാനമന്ത്രി കൂടിക്കാഴ്ച നടത്തും.
ഡെന്മാര്ക്കില് നടക്കുന്ന രണ്ടാമത്തെ ഇന്ത്യ-നോര്ഡിക് ഉച്ചകോടിയിലും പ്രധാനമന്ത്രി പങ്കെടുക്കും. ഡെന്മാര്ക്ക്, സ്വീഡന്, നോര്വേ, ഐസ്ലന്ഡ്, ഫിന്ലന്ഡ് എന്നീ രാജ്യങ്ങളിലെ പ്രധാനമന്ത്രിമാരും ഇന്ത്യ-നോര്ഡിക് ഉച്ചകോടിയില് പങ്കെടുക്കുന്നുണ്ട്. കൊവിഡാനന്തര സാമ്ബത്തിക മുന്നേറ്റം, കാലാവസ്ഥാ വ്യതിയാനം, നൂതനസംരംഭങ്ങളും സാങ്കേതിക വിദ്യയും തുടങ്ങിയവയാണ് നോര്ഡിക് ഉച്ചകോടിയിലെ വിഷയങ്ങള്. ഡെന്മാര്ക്കിലെ ഇന്ത്യന് ജനതയെ അഭിസംബോധന ചെയ്യും.